शमुंबई: मराठी रंगभूमी, मराठी सिनेसृष्टी, हिंदी सिनेसृष्टी इ. सर्वच प्लॅटफॉर्मवर आपल्या अभिनयाची छाप सोडणारे ज्येष्ठ कलाकार विक्रम गोखले यांचे २६ नोव्हेंबर रोजी निधन झाले. ५ नोव्हेंबरपासून त्यांच्यावर पुण्यातील रुग्णालयात उपचार सुरू होते. आज दुपारी १ वाजून ४५ मिनिटांनी त्यांनी अखेरचा श्वास घेतला. दरम्यान विक्रम गोखलेंनी अनेक वयोगटातील लोकांसोबत काम केले आहे. पण त्यांच्यासोबत कारकिर्दीच्या सुरुवातीपासून काम करणाऱ्यांचा अनुभव अनोखाच होता. अशाच त्यांच्या एका जवळच्या मित्राने सोशल मीडियावर पोस्ट करत विक्रम गोखलेंच्या आठवणी ताज्या केल्या आहेत. हे वाचा-मारुतीच्या पायाला पाणी लागलं...? विक्रम गोखलेंचा तो शेवटचा डायलॉग राहील कायम आठवणीत
विक्रम गोखलेंसोबतची कॉलेजची आठवण शेअर करणारे कलाकार म्हणजे ज्येष्ठ अभिनेते सतीश आळेकर. या दोन मित्रांनी अगदी सुरुवातीच्या काळापासून एकत्र काम केले आहे. आळेकर यांनी सोशल मीडियावर त्यांचे विक्रम गोखलेंसोबतचे काही फोटो शेअर केले आहेत. या फोटोंना कॅप्शन देताना आळेकर म्हणतात की, 'विक्रम गोखले हा माझा कॅालेज पासूनचा म्हणजे १९६९-७० पासूनचा मित्र. माझ्याहून थोडा मोठा, पुरूषोत्तममध्ये भाग घेणारा. नंतर तो व्यावसायिक नट झाला. अनेक नाटके, चित्रपटातून त्याने कामे केली. अभिनयाच्या पध्दतीचे एक वेगळे घराणेच निर्माण केले.'
हे वाचा-'विक्रम मी कायम तुझ्यासमोर नतमस्तक होतो', नाना पाटेकरांचा भावुक करणारा फोटो
आळेकर पुढे लिहितात की, 'मी लिहिलेल्या दुसरा सामना (१९८९) या एकमेव व्यावसायिक नाटकाचा तो प्रमुख नट होता. गाठी नियमित होत असत. कोविडआधी तो घरी पॅरासाईट ही ॲास्कर विजेती फिल्म बघायला आला होता. आम्ही 'मी शिवाजी पार्क' या मराठी सिनेमात एकत्र काम केले होते. दिलीप प्रभावळकर, मोहन आगाशे आणि मी आम्ही भेटून गप्पा मारणे हा आमचा विरंगुळा होता. ...आज तो गेला! या आमच्या जवळच्या मित्राला श्रध्दांजली!' जवळच्या मित्राचे निधनानंतर अभिनेते सतिश आळेकर यांनी ही भावुक करणारी पोस्ट केली आहे.
आळेकर यांनी केलेल्या पोस्टवर अनेक चाहत्यांनी श्रद्धांजली अर्पण केली आहे. अशोक सराफ, दिलीप प्रभावळकर, शिवाजी साटम, सतीश आळेकर आणि विक्रम गोखले स्टारर 'मी शिवाजी पार्क' हा सिनेमा विशेष गाजला होता. महेश मांजरेकरांनी या सिनेमाचे दिग्दर्शन केले आहे. सतीश आळेकरांनी या सिनेमाच्या शूटिंगदरम्यानचा एक फोटोही यावेळी शेअर केला आहे.
विक्रम गोखलेंसोबतची कॉलेजची आठवण शेअर करणारे कलाकार म्हणजे ज्येष्ठ अभिनेते सतीश आळेकर. या दोन मित्रांनी अगदी सुरुवातीच्या काळापासून एकत्र काम केले आहे. आळेकर यांनी सोशल मीडियावर त्यांचे विक्रम गोखलेंसोबतचे काही फोटो शेअर केले आहेत. या फोटोंना कॅप्शन देताना आळेकर म्हणतात की, 'विक्रम गोखले हा माझा कॅालेज पासूनचा म्हणजे १९६९-७० पासूनचा मित्र. माझ्याहून थोडा मोठा, पुरूषोत्तममध्ये भाग घेणारा. नंतर तो व्यावसायिक नट झाला. अनेक नाटके, चित्रपटातून त्याने कामे केली. अभिनयाच्या पध्दतीचे एक वेगळे घराणेच निर्माण केले.'
हे वाचा-'विक्रम मी कायम तुझ्यासमोर नतमस्तक होतो', नाना पाटेकरांचा भावुक करणारा फोटो
आळेकर पुढे लिहितात की, 'मी लिहिलेल्या दुसरा सामना (१९८९) या एकमेव व्यावसायिक नाटकाचा तो प्रमुख नट होता. गाठी नियमित होत असत. कोविडआधी तो घरी पॅरासाईट ही ॲास्कर विजेती फिल्म बघायला आला होता. आम्ही 'मी शिवाजी पार्क' या मराठी सिनेमात एकत्र काम केले होते. दिलीप प्रभावळकर, मोहन आगाशे आणि मी आम्ही भेटून गप्पा मारणे हा आमचा विरंगुळा होता. ...आज तो गेला! या आमच्या जवळच्या मित्राला श्रध्दांजली!' जवळच्या मित्राचे निधनानंतर अभिनेते सतिश आळेकर यांनी ही भावुक करणारी पोस्ट केली आहे.
आळेकर यांनी केलेल्या पोस्टवर अनेक चाहत्यांनी श्रद्धांजली अर्पण केली आहे. अशोक सराफ, दिलीप प्रभावळकर, शिवाजी साटम, सतीश आळेकर आणि विक्रम गोखले स्टारर 'मी शिवाजी पार्क' हा सिनेमा विशेष गाजला होता. महेश मांजरेकरांनी या सिनेमाचे दिग्दर्शन केले आहे. सतीश आळेकरांनी या सिनेमाच्या शूटिंगदरम्यानचा एक फोटोही यावेळी शेअर केला आहे.