बापरे एवढा बदल, या मराठी सुपरस्टारचा VIDEO पाहून चाहतेही थक्क; पार चेहरामोहराच बदलला!

मुंबई: या फोटोतील सुपरस्टारला तुम्ही ओळखलं का? या कलाकाराचे सिनेमे तुम्ही पाहिले असतील, तो कॉमेडीही करतो, तो रिॲलिटी शोमधूनही प्रेक्षकांचे मनोरंजन करतो. सूत्रसंचालक, परिक्षक अशा विविध जबाबदाऱ्या या कलाकाराने निभावल्या आहेत. त्याचा हा जुना फोटो आणि आताचा त्याचा लूक यामध्ये खूपच फरक आहे. तर हा अभिनेता आहे मराठी आणि हिंदी सिनेमात आपल्या अभिनयाचा ठसा उमटवणारा सिद्धार्थ जाधव! होय हा सिद्धार्थच आहे. अभिनेत्याने स्वत: त्याच्यातील बदलाचा एक व्हिडिओ सोशल मीडियावर शेअर केला आहे.

हे वाचा-नागराज मंजुळे घेऊन येणार सुपरहिट चित्रपटाचा दुसरा भाग; चाहत्यांची उत्सुकता वाढली

अभिनेता सिद्धार्थ जाधव चित्रपट, रिॲलिटी शो या माध्यमातून प्रेक्षकांचे मनोरंजन करत असतो. सोशल मीडियावरही सिद्धार्थ हळूहळू सक्रिय होत आहे. मालिका, त्यानंतर मराठी चित्रपट, मग हिंदी चित्रपट आणि दोन्ही भाषातील रिॲलिटी शो यामध्ये रुळलेला सिद्धार्थ आता इन्स्टाग्रामच्या माध्यमातून प्रेक्षकांशी संवाद साधत असतो. अलीकडेच त्याने इन्स्टाग्रामवर एक पोस्ट शेअर केली आहे. ही पोस्ट पाहिल्यानंतर लक्षात येत आहे की गेल्या काही वर्षात चाहत्यांच्या लाडक्या 'आपला सिद्धू'चा चेहरा-मोहराच बदलला आहे.


सिद्धार्थच्या या पोस्टवर चाहत्यांनी विविध कमेंट्स केल्या आहेत. त्याच्या 'जत्रा ते सिंबा' प्रवासाचं कौतुक चाहत्यांनी केलं आहे. काहींनी त्याला मराठीतील रणवीर सिंग म्हटलं आहे. हा व्हिडिओ शेअर करताना त्याने 'भिजून गेला वारा...' हे त्याच्याच सिनेमातील गाणं वापरलं आहे. हे गाणंही आवडीचं असल्याच्या कमेंट्स चाहत्यांनी केल्या आहेत.

हे वाचा-Video: अंजली बाईंच्या बॅचलर पार्टीला साऊथचा तडका! अभिनेत्रीने लुंगी नेसून केला डान्स

वर्क फ्रंटबद्दल बोलायचं तर अलीकडेच सिद्धार्थने त्याच्या नव्या सिनेमाची घोषणा केली आहे. सिद्धार्थ जाधव आणि अभिजीत खांडकेकर यांचा बालभारती हा सिनेमा लवकरच प्रेक्षकांच्या भेटीला येणार आहे. या सिनेमात बाल कलाकार आर्यन मेघंजी प्रमुख भूमिकेत आहे. याशिवाय नंदिता पाटकर, उषा नाईक, संजय मोने, रवींद्र मंकणी असे तगडे कलाकार 'बालभारती'मध्ये दिसणार आहेत. सिद्धार्थने हल्लीच रोहित शेट्टीचा सिनेमा 'सर्कस'चेही शूटिंग सुरू केले आहे. त्याने इन्स्टाग्रामवर पोस्ट करत माहिती दिली होती.