अंकिता लोखंडेकडं आहे गुडन्यूज? विकीसोबतचे फोटो पाहून चाहते म्हणाले...

मुंबई: गेल्या महिन्यात अंकिता आणि तिचा पती विकी जैन यांनी मुंबईतील नव्या घरात प्रवेश केला होता. त्यानंतर त्यांच्या या नवीन अलिशान घराची सोशल मीडियावर चर्चा रंगली होती. मात्र आता एका वेगळ्याच चर्चेला उधाण आलं आहे. अंकिता आणि विकी यांच्या नवीन घरात चिमुकला पाहुणा येणार असल्याचं म्हटलं आहे. या चर्चेला कारणही अंकितानं नुकतेच शेअर केलेले फोटो ठरत आहे.
तमन्नानं असं काही केलं की नेटकरी करतायत कौतुक,तापसी मात्र ट्रोलर्सच्या निशाण्यावर

अंकिता आणि विकी सध्या व्हॅकेशन मूडमध्ये दिसत आहे. अंकितानं तिचे काही फोटो शेअर केले आहेत. या फोटोंमध्ये तिनं निळ्या रंगाचा डीपनेक फिटेड गाउन घातल्याचं पाहायला मिळतंय. या निळ्या रंगल्या बोल्ड गाउनमध्ये अंकिता नेहमी प्रमाणे सुंदर दिसत असली तरी, चर्चा मात्र तिच्या वेगळ्याच गोष्टीची होतेय. हे फोटो पोहून नेटकऱ्यांनी अंकिता प्रेग्नंट असल्याचा अंदाज लावला आहे.अंकिता आणि विकीनं दिलेल्या पोज वरुनही चाहत्यांनी अंकिता गरोदर असल्याचं वाटत आहे. अनेकांनी अंकिता बेबी बंप फ्लॉंट करत असल्याचं म्हटलंय.
नेटकऱ्यांना अद्दल घडवायला वेळ लागणार नाही...Boycott Trend वर भडकला अर्जुन कपूर

दरम्यान, प्रेग्नंसीच्या या चर्चेवर अंकितानं अद्यापही काही उत्तर दिलं नाही. मात्र गेल्या महिन्यातही अंकिता गरोदर असल्याच्या चर्चा सुरू होत्या. राखी सावंत हिनं देखील दोघांना गुडन्यूजबद्दल शुभेच्छा दिल्याचा एक व्हिडिओ सोशल मीडियावर व्हायरल झाला होता.

तर लग्नाला सहा महिने झाल्यानंतर अंकितानं विकीसोबतचे काही खास फोटो शेअर केले होते. हे फोटो शेअर करताना अंकितानं लिहिलेल्या कॅप्शनमुळं ती प्रेग्नंट तर नाही ना असा प्रश्न तिच्या चाहत्यांना पडला आहे. तिनं 'Happy 6 months to us baby' असं लिहिलं होतं.