मुंबई: नाटक, सिनेमा, मालिका अशा विविध माध्यमांमधून ज्येष्ठ अभिनेत्री वंदना गुप्ते यांनी अनेक वर्ष प्रेक्षकांच्या मनावर अधिराज्य केले. त्या सोशल मीडियावरही विशेष सक्रिय आहेत. वंदना यांनी सोशल मीडियावर अलीकडेच एक गोड व्हिडिओ शेअर केला आहे. नव्या पिढीच्या या प्लॅटफॉर्मवरही त्यांनी एका मोठा चाहतावर्ग कमावला असून या व्हिडिओनंतर त्यांच्यावर शुभेच्छांचा वर्षाव झाला. वंदना यांनी त्यांचे पती शिरीष गुप्ते यांच्यासह पुन्हा एकदा लग्नगाठ बांधली आणि या क्षणाचा व्हिडिओ त्यांनी सोशल मीडियावर शेअर केला होता. अशाप्रकारे सोहळा साजरा करण्याचे कारणही खास होतं.
वंदना आणि शिरिष गुप्ते यांच्या लग्नाला ५० वर्षे पूर्ण झाल्याच्या निमित्ताने त्यांच्या घरातील मंडळींनी या सोहळ्याचे आयोजन केले होते. बाहेरगावी स्थायिक असलेल्या गुप्ते कुटुंबातील मंडळीने भारतात येत हा आनंदाचा क्षण साजरा केला. स्वत: वंदना यांनी सोशल मीडियावर लांबलचक कॅप्शन देत या सोहळ्याचे वर्णन केले, शिवाय त्यांच्या कुटुंबातील मुलांना या लग्न सोहळ्यात सहभागी होता आणि त्याचा आनंद साजरा करता आला याविषयी समाधान व्यक्त केले. अभिनेत्रीची ही लेटेस्ट सोशल मीडिया पोस्ट विशेष चर्चेत आली आहे.
काय म्हणाल्या वंदना गुप्ते?
वंदना यांनी शिरीष यांच्यासमवेत काही फोटो आणि एक व्हिडिओ शेअर केला आहे. त्यांनी शेअर केलेल्या फोटोमध्ये वंदना यांनी छानशी साडी नेसली असून शिरीष सुटमध्ये दिसत आहेत. तर व्हिडिओमध्ये हे जोडपे 'शुभमंगल सावधान' म्हटल्यानंतर एकमेकांना वरमाला परिधात करताना दिसले. त्यांच्या कुटुंबीयांचा मोठा कल्ला या व्हिडिओमध्ये ऐकू येत आहे. अभिनेत्रीच्या या व्हिडिओवर फिल्म इंडस्ट्रीतील अनेक कलाकारांनी कमेंट करत त्यांना लग्नाच्या वाढदिवसाच्या शुभेच्छा दिल्या आहेत.
अभिनेत्रीने हा व्हिडिओ शेअर करताना लिहिले की, 'लग्नाचा ५० वा वाढदिवस साजरा केला. आमच्या खास दिवशी आमच्यासोबत सहभागी होण्यासाठी माझ्या नणंदा आणि भाच्या युएसए आणि कॅनडाहून पोहोचल्या, तर आमची लाडकी लेक वेस्ट इंडिजवरुन आली. त्यांनी घरीच लग्नसोहळा आयोजित केला. जेणेकरुन आम्ही आमच्या आयुष्यातील सर्वात मौल्यवान क्षण पुन्हा एकदा अनुभवता येतील. मला सर्वाधिक आनंद याचा झाला की मुलांना आमच्या लग्नात सहभागी होता आले आणि आमचे लग्न एन्जॉय करता आले. तुमच्या हृदयस्पर्शी उपस्थितीने आमचा दिवस अधिक खास बनवल्याबद्दल सर्वांचे आभार'.
वंदना आणि शिरिष गुप्ते यांच्या लग्नाला ५० वर्षे पूर्ण झाल्याच्या निमित्ताने त्यांच्या घरातील मंडळींनी या सोहळ्याचे आयोजन केले होते. बाहेरगावी स्थायिक असलेल्या गुप्ते कुटुंबातील मंडळीने भारतात येत हा आनंदाचा क्षण साजरा केला. स्वत: वंदना यांनी सोशल मीडियावर लांबलचक कॅप्शन देत या सोहळ्याचे वर्णन केले, शिवाय त्यांच्या कुटुंबातील मुलांना या लग्न सोहळ्यात सहभागी होता आणि त्याचा आनंद साजरा करता आला याविषयी समाधान व्यक्त केले. अभिनेत्रीची ही लेटेस्ट सोशल मीडिया पोस्ट विशेष चर्चेत आली आहे.
काय म्हणाल्या वंदना गुप्ते?
वंदना यांनी शिरीष यांच्यासमवेत काही फोटो आणि एक व्हिडिओ शेअर केला आहे. त्यांनी शेअर केलेल्या फोटोमध्ये वंदना यांनी छानशी साडी नेसली असून शिरीष सुटमध्ये दिसत आहेत. तर व्हिडिओमध्ये हे जोडपे 'शुभमंगल सावधान' म्हटल्यानंतर एकमेकांना वरमाला परिधात करताना दिसले. त्यांच्या कुटुंबीयांचा मोठा कल्ला या व्हिडिओमध्ये ऐकू येत आहे. अभिनेत्रीच्या या व्हिडिओवर फिल्म इंडस्ट्रीतील अनेक कलाकारांनी कमेंट करत त्यांना लग्नाच्या वाढदिवसाच्या शुभेच्छा दिल्या आहेत.
अभिनेत्रीने हा व्हिडिओ शेअर करताना लिहिले की, 'लग्नाचा ५० वा वाढदिवस साजरा केला. आमच्या खास दिवशी आमच्यासोबत सहभागी होण्यासाठी माझ्या नणंदा आणि भाच्या युएसए आणि कॅनडाहून पोहोचल्या, तर आमची लाडकी लेक वेस्ट इंडिजवरुन आली. त्यांनी घरीच लग्नसोहळा आयोजित केला. जेणेकरुन आम्ही आमच्या आयुष्यातील सर्वात मौल्यवान क्षण पुन्हा एकदा अनुभवता येतील. मला सर्वाधिक आनंद याचा झाला की मुलांना आमच्या लग्नात सहभागी होता आले आणि आमचे लग्न एन्जॉय करता आले. तुमच्या हृदयस्पर्शी उपस्थितीने आमचा दिवस अधिक खास बनवल्याबद्दल सर्वांचे आभार'.