दादा एक गुड न्यूज नाटकाचे प्रयोग रद्द, प्रिया बापटनं सांगितलं कारण, म्हणाली काही दिवसांपासून...

मुंबई : दादा एक गुडन्यूज आहे, हे मराठी नाटकाला प्रेक्षकांचा चांगला प्रतिसाद मिळत आहे. या नाटकातून भावा-बहिणीच्या नात्यावर भाष्य करण्यात आलं आहे. मनाला भावणाऱ्या या नाटकाचे राज्यात ठिकठिकाणी सातत्यानं प्रयोग होत असून त्याला प्रेक्षकांचा चांगला प्रतिसादही मिळत आहेत. मात्र आता पुढचे काही दिवस 'दादा एक गुड न्यूज आहे' या नाटकाचे प्रयोग रद्द करण्यात आले आहेत. या नाटकाची निर्मिती असलेल्या प्रिया बापटनं सोशल मीडियावर पोस्ट करत त्यामागचे कारण काय आहे हे प्रेक्षकांबरोबर शेअर केले आहेत.
दीपिकानं रणवीरला एकदा नव्हे दोनदा केलं इग्नोर, व्हिडिओ पाहून सुरू झाल्या भलत्याच चर्चा
प्रिया बापटनं नुकताच तिच्या अधिकरृत इन्स्टाग्रामवर स्टोरीवर दोन पोस्ट शेअर केल्या आहेत. एका पोस्टमध्ये व्हिडिओ असून त्यात प्रिया आणि उमेश दिसत आहेत. या व्हिडिओत सुरुवातीला उमेश बोलताना दिसत आहे. तो म्हणतो की, गेल्या काही दिवसांपासून व्हायरल इन्फेक्शनमुळे बरं नाहीये... आवाजही बसला आहे...परंतु त्याला बोलताना त्रास होत अस्ल्यानं त्याला थांबवत प्रिया सांगते की, त्यामुळे उमेशला डॉक्टरांनी त्याला आणि आवाजाला विश्रांती घेण्याचा सल्ला दिला आहे. त्यामुळे दुर्दैवानं या कारणामुळे ‘दादा एक गुड न्यूज आहे’ या नाटकाचे पुढचे काही प्रयोग रद्द करावे लागत आहेत.' हे सांगत प्रिया आणि उमेशनं सर्वांची माफी मागितली आहे.



त्यानंतरच्या स्टोरीमध्ये प्रियानं लिहिलं आहे की, 'ज्यांनी या नाटकासाठी आगाऊ बुकींग केलं आहे, त्यांचे पैसे रिफंड केले जातील. यानंतर येणाऱ्या आठवड्यातील विकेंडचे प्रयोग मात्र नक्कीच होतील. कारण हा आठवडा उमेश आराम करेल आणि पुढच्या आठवड्यात तो नक्कीच बरा होईल. त्यामुळे आम्ही पुन्हा एकदा तुमची माफी मागतो आणि मला विश्वास आहे की तु्म्ही सर्वजण हे समजून घ्याल...'
द एलिफंट व्हिस्पर्समुळे प्रसिद्ध झालेल्या बोमन आणि बेलीच्या घरी झालं नवीन सदस्याचं आगमन

दरम्यान ‘दादा एक गुडन्यूज’ आहे या नाटकात उमेश कामत, आरती मोरे, ऋषी मनोहर हे कलाकार आहेत. प्रिया बापट या नाटकाची निर्मिती असून तिच्या या नाटकाला चांगला प्रतिसाद मिळत आहे. सोनल प्रॉडक्शन निर्मित, अद्वैत दादरकर दिग्दर्शिन केले आहे. तर हे नाटक कल्याणी पाठारे यांनी लिहिलं आहे.