मिलिंद सोमणनं शेअर केला गर्लफ्रेंडसोबतचा वादग्रस्त न्यूड फोटो

मुंबई: लॉकडाऊन सुरू झाल्यापासून प्रसिद्ध मॉडेल आणि अभिनेता मिलिंद सोमण त्याच्या आई आणि पत्नीसोबतचे फोटो ,व्हिडिओ शेअर केल्यामुळं चर्चेत असतो. परंतु मिलिंदनं नुकताच एक वादग्रस्त फोटो शेअर केलाय. २५ वर्षांपूर्वीचा न्यूडफोटो मिलिंदनं शेअर केल्यामुळं तो चर्चेचा विषय ठरत आहे.

१९९५च्या ऑगस्ट महिन्यात प्रसिद्ध झालेल्या 'टफ शूज'च्या जाहिरातीनं प्रचंड खळबळ उडवून दिली होती. संपूर्ण विवस्त्रावस्थेत एकमेकांना बिलगलेल्या जोडप्याच्या पायात शूज आहेत व दोघांनाही अजगरानं विळखा घातला आहे, असें छायाचित्र असलेली ती जाहिरात पाहून अनेकांचे माथे भडकले होते. हाच फोटो मिलिंदनं शेअर करत चाहत्यांना एक प्रश्न विचारला आहे. हा फोटो जर आता पहिल्यांदा प्रदर्शित झाला असता तर काय प्रतिक्रिया असत्या? असा प्रश्न मिलिंदनं नेटकऱ्यांना विचारला आहे. '२५ वर्षांपूर्वीचा हा फोटो आहे. त्यावेळी सोशल मीडिया नव्हतं, इंटरनेटही फार वापरलं जात नव्हतं' असंही त्यानं फोटोच्या कॅप्शनमध्ये म्हटलं आहे.

प्रत्येकाला आपल्या परिवारासोबत राहण्याचा हक्क: सोनू सूद
नवाजुद्दीन ईदसाठी गावी गेला नाही; भावानं सांगितलं खरं कारण...
मिलिंदच्या चाहत्यांनी त्याचं या धाडसाबद्दल कौतुक केलं आहे. आताच्या काळात न्यूड फोटोशूट ही संकल्पना अगदी सामन्य वाटत असली तरी २५ पूर्वीचा काळ वेगळा होता. त्यावेळी मिलिंदनं हे धाडस केलं होतं. या फोटोशूटमुळं झालेल्या प्रखर टीकेमुळं मॉडेल मधु सप्रे हिला प्रचंड डिप्रेशन आलं होतं. पण त्याचवेळी तिला आणि मिलिंदला ग्लॅमरही मिळालं होतं. प्रॉडक्ट गाजल्यानं जाहिरात-दारांचेही काम साधलं गेलं होतं. आज काल चित्रपटांतून होणारं सेक्सचं प्रदर्शन, इंटरनेटवर सहज उपलब्ध होणाऱ्या साइट्स बघता टफ शूजची जाहिरात आज अनेकांना धक्कादायक वाटणार नाही.