मुंबई- जगातील कोणत्या व्यक्तीला जास्त पगार व प्रतिष्ठा मिळाली पाहिजे या प्रश्नावर तिने असं काही उत्तर दिलं की तिने मिस वर्ल्ड हा ताज आपल्या नावावर केला. जगात सर्वाधिक पगार आणि प्रतिष्ठा ही घराघरातील आईला द्यायला हवी या उत्तराने तिला जगतसुंदरी केलं ती हरियाणाची मुलगी मानुषी छिल्लर. डॉक्टर होण्याचं स्वप्नं पाहिलेली मानुषी ब्युटी रँपवर उतरली आणि मिस वर्ल्डचा किताब पटकावला. मानुषी बॉलिवूडमध्ये पदार्पणासाठी सज्ज झाली आहे. तिच्याबद्दल फारशा माहीत नसलेल्या गोष्टी आज आम्ही तुम्हाला सांगणार आहोत. मराठी चित्रपटांना अच्छे दिन! ‘धर्मवीर’, ‘चंद्रमुखी’ हाऊसफुल्ल
जगभरात आपल्या सौंदर्य आणि बुद्धीमत्तेची छाप पाडणाऱ्या मानुषीचा पहिला सिनेमा पृथ्वीराज येत्या ३ जूनला प्रदर्शित होत आहे. पृथ्वीराजच्या ट्रेलरपासूनच मानुषीच्या भूमिकेचं कौतुक होत आहे. मानुषीने तिच्या या पहिल्या सिनेमाचे प्रत्येक अपडेट सोशल मीडियावर शेअर केले आहेत. त्यामुळे सध्या ती चर्चेत आहे.
१४ मे १९९७ ला हरियाणातील हिसार या गावी मानुषीचा जन्म झाला. दिल्लीच्या सेंट थॉमस स्कूलमधून तिचं शालेय शिक्षण पूर्ण झालं. घरी पूर्णपणे शैक्षणिक वातावरण असल्याने मानुषीही शालेय वयात खूप हुशार होती. मानुषीचे वडील डॉ. बासू छिल्लर हे एम. डी. आहेत तर आई मंजू छिल्लर बायोकेमिस्ट्रीच्या डॉक्टर आहेत.
'तारक मेहता का उल्टा चष्मा'तल्या आत्माराम भिडेच्या मृत्यूची बातमी Viral, पण ...
घरातील वैद्यकीय शिक्षणाचा वारसा मानुषीनेही पुढे चालवला. सोनीपतच्या भगत फूलसिंह सरकारी मेडिकल कॉलेजमधून मानुषीने एमबीबीएसचं शिक्षण घेतलं. मानुषी कार्डियाक सर्जनचं वैद्यकीय शिक्षण घेत होती. ही झाली मानुषीची वैद्यकीय ओळख, पण याव्यतिरिक्त मानुषीने नॅशनल स्कूल ऑफ ड्रामा मधून अभिनयाचेही धडे गिरवले आहेत. मिस वर्ल्ड झाल्यानंतर मानुषीने वैद्यकिय क्षेत्राऐवजी अभिनय क्षेत्रात करिअर करण्याचा निर्णय घेतला.
मानुषीला सौंदर्य स्पर्धांमध्ये भाग घेण्याची इच्छा होती, त्यासाठी तिने २०१६ पासूनच तयारी सुरू केली. कॉलेज कॅम्पसमधील एका ब्युटी कॉन्स्टेस्टमधून मानुषीला आत्मविश्वास आला. त्यानंतर पुढच्याच वर्षी मानुषीला फेमिना मिस इंडियाकडून हरियाणाचं प्रतिनिधीत्व करण्याची संधी मिळाली. तेव्हा तिने मिस इंडिया या किताबावर आपलं नाव कोरलं. मिस इंडिया बनण्याची तयारी करण्यासाठी मानुषीने तिच्या शिक्षणातून एक वर्षाचा ब्रेक घेतला होता हे खूप कमीजणांना माहिती आहे.
मानुषीचा पुढचा टप्पा होता मिस वर्ल्ड स्पर्धा गाजवण्याचा. त्यासाठी ती चीनला गेली. या स्पर्धेत पहिल्या फेरीपासूनच तिने सौंदर्य आणि बुद्धीमत्ता यांची सांगड घालत लक्ष वेधून घेतलं. याचा परिपाक म्हणजे मिस वर्ल्डचा किताब मिळवण्यात ती यशस्वी झाली. मानुषीपूर्वी प्रियांका चोप्राने २००० मध्ये मिस वर्ल्डचा मुकूट मिळवला होता. कार्डियाक सर्जन म्हणून मिस वर्ल्डच्या रँपवर आलेली मानुषी आता अभिनेत्री म्हणून बॉलिवूडमध्ये अक्षय कुमारची नायिकाहोऊन प्रेक्षकांच्या भेटीला येणार आहे.
जगभरात आपल्या सौंदर्य आणि बुद्धीमत्तेची छाप पाडणाऱ्या मानुषीचा पहिला सिनेमा पृथ्वीराज येत्या ३ जूनला प्रदर्शित होत आहे. पृथ्वीराजच्या ट्रेलरपासूनच मानुषीच्या भूमिकेचं कौतुक होत आहे. मानुषीने तिच्या या पहिल्या सिनेमाचे प्रत्येक अपडेट सोशल मीडियावर शेअर केले आहेत. त्यामुळे सध्या ती चर्चेत आहे.
१४ मे १९९७ ला हरियाणातील हिसार या गावी मानुषीचा जन्म झाला. दिल्लीच्या सेंट थॉमस स्कूलमधून तिचं शालेय शिक्षण पूर्ण झालं. घरी पूर्णपणे शैक्षणिक वातावरण असल्याने मानुषीही शालेय वयात खूप हुशार होती. मानुषीचे वडील डॉ. बासू छिल्लर हे एम. डी. आहेत तर आई मंजू छिल्लर बायोकेमिस्ट्रीच्या डॉक्टर आहेत.
'तारक मेहता का उल्टा चष्मा'तल्या आत्माराम भिडेच्या मृत्यूची बातमी Viral, पण ...
घरातील वैद्यकीय शिक्षणाचा वारसा मानुषीनेही पुढे चालवला. सोनीपतच्या भगत फूलसिंह सरकारी मेडिकल कॉलेजमधून मानुषीने एमबीबीएसचं शिक्षण घेतलं. मानुषी कार्डियाक सर्जनचं वैद्यकीय शिक्षण घेत होती. ही झाली मानुषीची वैद्यकीय ओळख, पण याव्यतिरिक्त मानुषीने नॅशनल स्कूल ऑफ ड्रामा मधून अभिनयाचेही धडे गिरवले आहेत. मिस वर्ल्ड झाल्यानंतर मानुषीने वैद्यकिय क्षेत्राऐवजी अभिनय क्षेत्रात करिअर करण्याचा निर्णय घेतला.
मानुषीला सौंदर्य स्पर्धांमध्ये भाग घेण्याची इच्छा होती, त्यासाठी तिने २०१६ पासूनच तयारी सुरू केली. कॉलेज कॅम्पसमधील एका ब्युटी कॉन्स्टेस्टमधून मानुषीला आत्मविश्वास आला. त्यानंतर पुढच्याच वर्षी मानुषीला फेमिना मिस इंडियाकडून हरियाणाचं प्रतिनिधीत्व करण्याची संधी मिळाली. तेव्हा तिने मिस इंडिया या किताबावर आपलं नाव कोरलं. मिस इंडिया बनण्याची तयारी करण्यासाठी मानुषीने तिच्या शिक्षणातून एक वर्षाचा ब्रेक घेतला होता हे खूप कमीजणांना माहिती आहे.
मानुषीचा पुढचा टप्पा होता मिस वर्ल्ड स्पर्धा गाजवण्याचा. त्यासाठी ती चीनला गेली. या स्पर्धेत पहिल्या फेरीपासूनच तिने सौंदर्य आणि बुद्धीमत्ता यांची सांगड घालत लक्ष वेधून घेतलं. याचा परिपाक म्हणजे मिस वर्ल्डचा किताब मिळवण्यात ती यशस्वी झाली. मानुषीपूर्वी प्रियांका चोप्राने २००० मध्ये मिस वर्ल्डचा मुकूट मिळवला होता. कार्डियाक सर्जन म्हणून मिस वर्ल्डच्या रँपवर आलेली मानुषी आता अभिनेत्री म्हणून बॉलिवूडमध्ये अक्षय कुमारची नायिकाहोऊन प्रेक्षकांच्या भेटीला येणार आहे.