‘मनी हाईस्ट’ चा येणार दक्षिण कोरियन रिमेक, टीझर पाहिलात का?

मुंबई- स्पॅनिश वेब सीरिज मनी हाइस्टचा खूप मोठा चाहता वर्ग आहे. नेटफ्लिक्सच्या या सीरिजच्या पाचही सिझनने प्रेक्षकांच्या मनात एक खास स्थान निर्माण केले आहे. गेल्या काही दिवसांपासून कोरियन भाषेत 'मनी हाइस्ट' चं रिमेक होणार असल्याची चर्चा होती. आता यावर नेटफ्लिक्सने शिक्कामोर्तब केलं आहे. मनी हाइस्टच्या कोरियन रिमेकची पहिली झलक त्यांनी आता सर्वांसमोर आणली आहे.

'घटस्फोट साजरा केला पाहिजे' राम गोपाल वर्मांचं वादग्रस्त ट्वीट

मनी हाइस्ट कोरियाचा टिझर मंगळवारी रिलीज झाला, आगामी रिमेकला Money Heist: Korea – Joint Economic Area, असं नाव देण्यात आलं आहे. टीझरला थरारक म्युझिक देण्यात आले आहे. टिझरची सुरूवात प्रोफेसरसोबत होते, तो एका बंद खोलीत बसून मोठ्या चोरीची योजना आखत असण्याचं दाखवलं आहे. नंतर तो भिंतींवर लावलेले अनेक पारंपरिक कोरियन मुखवटे आणि स्पॅनिशचा आयकॉनिक साल्वाडोर समोर उभा राहतो आणि एका मुखवट्याची निवड करणार तेवढयात कॅमेरा पॅन होतो.


टीझर मध्ये नंतर पोलिसांची प्रमुख सीओन व्हू जीन कंट्रोल रूममध्ये उभी असलेली दाखवण्यात आले आहे. टीझरच्या शेवटी बर्लिन, नैरोबी, टोकियोची भूमिका कोरियन मनी हाइस्टमध्ये कोण साकारणार हे दाखवण्यात आले आहे.

Money Heist: Korea – Joint Economic Area साठी रिलीज कधी होणार हे कळले नसले तरी, असं म्हटले जात आहे की हा शो यावर्षात नेटफ्लिक्सवर प्रदर्शित होईल. या सीरिजची कथेतही प्रोफेसर आणि त्यांचे साथी चोरी करण्याचा प्रयत्न करतील. सर्व भागांचे दिग्दर्शन किम हाँग-सन यांनी केलं आहे. किम हाँग- सनन यांनी यापूर्वी 'द गेस्ट', 'व्हॉईस' आणि 'ब्लॅक' सारख्या गाजलेल्या वेब सीरिजचे दिग्दर्शन केलं आहे. या सीरिजच्या रिमेकमध्ये पार्क हे-सू, 'स्क्विड गेम्स'ची अभिनेत्री चो संग-वू प्रोफेसरचा उजवा हात म्हणजेच बर्लिनची भूमिका साकारताना दिसेल. प्रोफेसरची भूमिका यु जी ते साकारताना दिसेल.

२६ वर्षांची साथ सुटली- वरुण धवनच्या ड्रायवरचे निधन

मनी हाइस्ट ही वेब सीरिज मुळची स्पॅनिश असून याचं मूळ नाव कासा डे पापेल आहे. याच्या चार यशस्वी सीझननंतर डिसेंबरमध्ये याचा पाचवा आणि शेवटचा सीझन प्रसारित झाला होता. दरम्यान या सीरिजच्या कोरियन टिझरला ही प्रेक्षकांचा भरभरून प्रतिसाद मिळताना दिसत आहे . तसच यात वेगळे काय पाहायला मिळणार हे जाणून घेण्यासाठी उत्सुक आहेत.