मुंबई: जगभरात करोना व्हायरसची दहशत पाहायला मिळत आहे. इटली, अमेरिका, ब्रिटन अनेक देशांमध्ये करोनाचे आतापर्यंत हजारो बळी गेले आहेत. अनेक देशांमध्ये लॉकडाऊन करण्यात आलं आहे. विमानसेवा बंद असल्यामुळं एका देशातून दुसऱ्या देशात जाता येत नाहीए. अनेक जण घरापासून लाबं आहेत.कोणी फिरायला गेलं होतं तर कोणी काही कामानिमित्त... सगळं बंद झाल्यामुळं परदेशात अडकून आहेत. लॉकडाऊन कधी संपणार याची अनेकजण वाट पाहत आहेत. लॉकडाऊनच्या काळात सर्वच बंद आहे. परंतु लॉकडाऊन सुरू होण्यापूर्वी काही कलाकार काही ना काही निमित्तानं देशात इतरत्र तसंच परदेशातही गेले होते. आता ते त्या भागात अडकून पडले आहेत. अभिनेत्री मौनी रॉय देखील दुबईत अडकली आहे. गेल्या ६० दिवसांपासून ती तिथं एकटी राहतेय.
एका मासिकाच्या फोटोशूटसाठी मौनी अबु धाबी इथं गेली होती. मौनी तिथं असतानाच लॉकडाऊन घोषित झाला अन् ती भारतात येऊ शकली नाही. खरं तर मौनी भारतात परणार होती. परंतु काही दिवसानंतर तिचं लगेच दुसरं कामहही दुबईत होतं. त्यामुळं तिनं आणखी काही दिवस दुबईत मुक्काम करण्याचा निर्णय घेतला होता. पण तिला याबद्दल पुसटशीही कल्पना आली नाही की लॉकडाऊन घोषित होईल आणि भारतात परण्याचे तिचे सर्व दरवाजे बदं होतील.
अभिजीत राजे म्हणजे गिरीश ओक यांच्या दुसऱ्या लग्नाची गोष्ट!
मौनीच्या काम संदर्भात बोलायचं झालं तर ती आता 'ब्रह्मास्त्र' चित्रपटात दिसणार आहे.एखाद्या अभिनेत्रीचं काम आवडलं की तिच्याकडं सिनेमांची रांग लागते. सध्या तसंच झालंय मौनी रॉयचं. एकामागं एक बड्या बॅनरच्या सिनेमांमध्ये ती दिसतेय. तिच्या 'ब्रह्मास्त्र'ची तर खूप चर्चा आहे. यामध्ये ती खलनायिकेच्या भूमिकेत दिसणार आहे. ही भूमिका मिळण्यामागेही एक किस्सा आहे. सिनेमाचा दिग्दर्शक अयान मुखर्जीनं 'नागिन' या मालिकेतलं मौनी खलनायिकेचं काम बघितलं होतं. ते बघूनच त्यानं 'हीच माझी खलनायिका' म्हणून तिच्या नावावर शिक्कामोर्तब केलं.
टायगरने सिक्स पॅक अॅब्जऐवजी १० पॅक अॅब्ज बनवले?