किरण माने स्वत:ला हिरो समजायचे, त्यांनी खोट्या बातम्या पसरवल्या... सहकलारांनीच केले आरोप

मंबई: छोट्या पडद्यावरील लोकप्रिय मालिका 'मुलगी झाली हो' त्यांच्या कथेतील ट्विस्टमुळे नाही तर एका वेगळ्या कारणामुळे चर्चेत आली आहे. या मालिकेत विलास पाटील यांची भूमिका साकारणारे अभिनेते किरण माने यांना रातो रात मालिकेतून बाहेरचा रस्ता दाखवण्यात आला. विविधांगी भूमिका घेतल्याने मालिकेने त्यांना तडकाफडकी बाहेर काढले. त्यानंतर सोशल मीडियावर हे प्रकरण चांगलेच तापले. तसंच अनेक कलाकारांनी त्यांना पाठिंबा देत त्यांचं समर्थन केले. त्यानंतर अनेकांना त्यांच्या सह-कलाकारांची काय प्रतिक्रिया आहे हे जाणून घ्यायच्या आहेत.

आता किरण माने यांच्या मालिकेतील कलाकारांनी त्याच्या प्रतिक्रिया दिल्या आहेत. किरण माने यांनी केलेले सर्व आरोप खोटे असल्याचा दावा करत त्यांच्या गैरवर्तवणुकीमुळे त्यांना मालिकेतून काढण्यात आले आहे असे सांगताना दिसले.

टीव्ही९ या वृत्तवाहिनीशी संवाद साधताना उमा विलास पाटील यांची भूमिका साकारणाऱ्या अभिनेत्री श्रावणी पिल्लई म्हणल्या, 'पाहिले म्हणजे हे ज्या बातम्या पसरत आहेत त्या खोट्या आहेत. त्यांना राजकीय भूमिका मांडल्यामुळे मालिकेतून काढले नाही तर त्यांच्या चुकीच्या वागणुकीमुळे काढले गेले आहे. त्याचप्रमाणे त्यांना या गोष्टीची पूर्वसूचना त्यांना देण्यात आली होती. त्याचप्रमाणे ग्रामपंचायतीचे पत्र आले होते, मात्र त्यांना सत्य परिस्थिती लक्षात येताच ते तिकडून निघून गेले.

मालिकेत माऊ म्हणजे किरण माने यांच्या मुलीची भूमिका साकारणारी अभिनेत्री दिव्या पुगांवकर म्हणली, 'सुरुवातीला सगळं छान सुरू होतं. त्यांनी मला सांगितलं की आपण पडद्यावर जशी वडिल आणि मुलीची भूमिका साकारत आहोत तसंच आपण खऱ्या आयुष्यात राहु. तू माझ्या मुली सारखी आहेस...पण हे नातं फारकाळ टिकलं नाही आणि कालांतरानं त्यांनी मला टोमणे मारायला सुरूवात केली. कधी माझ्या वजनावर बोलायचे तर कधी अपशब्दांचा वापर करायचे. महाराष्ट्रात असलेल्या सगळ्या वडिलांना मला एक प्रश्न विचारायचा आहे की कोणते वडिल आपल्या लेकीसाठी अपशब्दांचा वापर करतात?. त्यांच्या याचं गैरवर्तवणुकीसाठी त्यांना वर्षभर समज देत आलो आणि याच कारणांमुळे त्यांना मालिकेतून काढण्यात आले.

मालिकेत किरण माने यांच्या आईची भूमिका साकारणाऱ्या जेष्ठ अभिनेत्री सविता मालपेकर यांनी सांगितले,'मला स्वत:ला काहीच त्रास नाही झाला, पण इतर सह-कलाकारांना तो सतत टोमणे मारत असे, मी या मालिकेचा हिरो आहे, याल काढेन त्याला काढेन अशी भाषा का वापरायची..जर तू खरंच हरो आशील तर सिध्द करून दखवना. त्यांनी जी भूमिका मांडली आहे ती चुकीची आहे. राजकारणाचा याच्याशी काहीच संबंध नाही", असं त्या म्हणाल्या.