अ‍ॅपशहर

राजकीय मुद्द्यांवर का शांत राहतात शाहरुख, सलमान आणि आमिर खान? नसीरुद्दीन शाह यांनी सांगितलं कारण

बॉलिवूडमधील ज्येष्ठ कलाकार नसीरुद्दीन शाह पैगंबर विवादासह अन्य राजकीय विषयांवर सलमान खान, शाहरुख आणि आमिर खान शांत असण्याबाबत आश्चर्य व्यक्त केलं आहे. त्यांनी अलीकडेच दिलेल्या एका मुलाखतीमध्ये याबाबत भाष्य केलं आहे.

Authored byजान्हवी भाटकर | महाराष्ट्र टाइम्स.कॉम 12 Jun 2022, 6:14 pm
मुंबई: बॉलिवूड अभिनेता नसीरुद्दीन शाह नेहमीच राजकीय ते सामाजिक विषयांवर आपले मत मांडत असतात. नुपूर शर्मा (Nupur Sharma) यांनी पैगंबरावर केलेल्या वादग्रस्त वक्तव्यावरही त्यांनी नुकतीच प्रतिक्रिया दिली. पण या मुद्द्यावर बॉलिवूडच्या खान सुपरस्टार्सनी मौन बाळगल्याने नसीरुद्दीन शाह दु:खी झाले आहेत. शाहरुख खान (Shah Rukh Khan), सलमान खान (Salman Khan) आणि आमिर खान (Aamir Khan) कोणत्याही राजकीय मुद्द्यावर काहीही बोलणे का टाळतात, याचा विचार करून त्यांना आश्चर्य वाटते. मात्र बॉलिवूडचे खान सुपरस्टार गप्प बसले असावेत, कारण त्यांच्याकडे गमावण्यासाठी खूप काही आहे, असा अंदाज त्यांनी बांधला.
महाराष्ट्र टाइम्स.कॉम Naseeruddin Shah


नसीरुद्दीन शाह (Naseeruddin Shah) यांनी अलीकडेच एनडीटीव्हीला दिलेल्या मुलाखतीमध्ये याबाबत भाष्य केले होते. नसीरुद्दीन शाह यांनी तिन्ही खान अभिनेत्यांच्या मौन बाळगण्यावर सवाल उपस्थित केला आहे, 'मी त्यांच्यासाठी बोलू शकत नाही. ते ज्या स्थितीत आहेत त्या स्थितीत मी नाही. मला असे वाटते की ते जर काही बोलले तर ते स्वत:बाबत बरेच काही पणाला लावतील. पण मग या लोकांनी त्यांच्या सदसद्विवेकबुद्धीला कसं समजावलं असेल माहित नाही. परंतु हे लोक कदाचित अशा स्थितीत आहेत जिथे ते खूप काही गमावू शकतात.'

हे वाचा-भारती आणि हर्ष यांच्या मुलाचं झालं बारसं, गोलाऐवजी या नावानं मारणार हाक

'जो बोलतो त्याला असाच प्रतिसाद दिला जातो..'
याप्रकरणी बोलताना नसीरुद्दीन शाह यांनी शाहरुख खानचा मुलगा आर्यन खानच्या क्रूझ ड्रग केसचे उदाहरण देताना असे म्हटले की, 'शाहरुख खान यांच्यासह जे काही घडले आणि त्यांनी ज्याप्रकारे या सर्वाचा सामना केला हे कौतुकास्पद आहे. हा प्रकार दुसरे काहीही नसून विच हंट आहे. त्यांनी तोंड बंद ठेवले, त्यांनी केवळ तृणमूलला पाठिंबा दिला आणि ममता बॅनर्जींचे कौतुक केले. तसेच सोनू सूदकडेही छापा टाकण्यात आला होता. जो कुणी काही विधान करतो, त्याला असाच प्रतिसाद मिळतो. कदाचित पुढचा नंबर माझा असेल. माहीत नाही, पण त्यांना काहीच मिळणार नाही.'

हे वाचा-बेबी बंप फ्लाँट केल्याने सोनम कपूर ट्रोल, नेटिझन्स म्हणाले-'रिहानाची कॉपी'

नसीरुद्दीन शाह यांनी 'द कश्मीर फाइल्स'ला म्हटले खोटारडेत्याच मुलाखतीत नसीरुद्दीन शाह यांनी विवेक अग्निहोत्री यांचा 'द कश्मीर फाइल्स' हा चित्रपट खोटा असल्याचे म्हटले होते. काश्मिरी हिंदू आणि पंडितांच्या सुरक्षिततेची आणि पुनर्वसनाची खात्री करण्याऐवजी सरकार त्याचा प्रचार करत आहे, असेही ते म्हणाले. त्याचवेळी त्यांनी द्वेष आणि विष पसरवणाऱ्यांविरोधात कठोर पावले उचलावीत असे आवाहन त्यांनी पंतप्रधान नरेंद्र मोदी यांना केले आहे.
लेखकाबद्दल
जान्हवी भाटकर
जान्हवी भाटकर, महाराष्ट्र टाइम्स ऑनलाइनमध्ये डिजिटल कंटेंट प्रोड्युसर म्हणून कार्यरत. डिजिटल आणि टेलिव्हिजन मीडियामध्ये ५ वर्षांचा अनुभव. 'न्यूज १८ लोकमत'मधून डिजिटल मीडियामध्ये काम करण्यास सुरुवात. ऑनलाइन माध्यमांमध्ये ३ वर्ष कार्यरत. मनोरंजन, लाइफस्टाइल आणि अर्थ विषयात आवड.... आणखी वाचा

महत्वाचे लेख

Marathi News App: तुम्हालाही तुमच्या अवतीभवती होत असलेल्या बदलांमध्ये सहभागी व्हायचं आहे? सिटिझन रिपोर्टर अॅप डाउनलोड करा आणि रिपोर्ट्स पाठवा.
ताज्या बातम्यांसह अपडेट राहण्यासाठी लाइक करा Maharashtra Times फेसबुकपेज