चंदीगड: लोकप्रिय सूफी गायिका 'नूरां सिस्टर्स'पैकी एक ज्योती नूरां (Jyoti Nooran Filed a divorce case) हिने तिच्या पतीवर गंभीर आरोप केले आहेत. तिने तिच्या पतीवर मारहाणीसह गंभीर आरोप करत तक्रार दाखल केली आहे. 'पटाखा गुड्डी' या गाण्याने प्रसिद्धी मिळवलेल्या ज्योतीने जालंधरमध्ये पती कुणाल पासीविरोधात घटस्फोटाची केस दाखल केली आहे. कुणालवर कौटुंबिक हिंसाचाराचा आरोप करत तिने आपल्या पतीला व्यसनी म्हटलं आहे. ज्योती नूरां आणि सुलताना नूरां या बहिणींच्या जोडीने आतापर्यंत अनेक सुपरहिट गाणी दिली असून त्यांचे विविध व्हिडिओ देखील सोशल मीडियावर व्हायरल होत असतात. आता ज्योतीचे नाव या घटस्फोट आणि मारहाणीच्या प्रकरणामुळे चर्चेत आले आहे. हे वाचा-अभिनेता सुयश टिळकनं पकडली ई-कॉमर्स साइटची बनवाबनवी, पुरावाच केला शेअर
ज्योती मुळची जालंधरची आहे. तिने 2014 मध्ये कुणाल पासीसोबत लग्न केले होते, त्यांचे लव्ह मॅरेज होते. ज्योतीने तिच्या पतीवर दारूच्या नशेत मारहाण केल्याचा आरोप केला. ती म्हणते की, लग्नाच्या पहिल्या वर्षात सर्व काही ठीक होते पण त्यानंतर त्याने तिला मारहाण करण्यास सुरुवात केली. घरातील पैसेही त्याने दारूसाठी उडवले. मीडिया रिपोर्ट्सनुसार, गायिकेने जालंधरमध्ये पोलीस स्टेशनमध्ये संरक्षण मागितले आहे आणि तिच्या पतीविरोधात कारवाई करण्याची मागणी केलीये.
'नवऱ्याने हडपले २० कोटी'
तिने असाही आरोप केला आहे की तिने देश-विदेशात कार्यक्रम करून जेवढे पैसे कमावले आहेत तेवढे तिच्या पतीने हिसकावून घेतले आहेत. ती म्हणते की, 'माझ्या पैशांचा हिशोब कुणाल ठेवायचा. मी जे काही कमावलं ते त्याने गायब केलं आहे. माझे २० कोटी त्याने हडपले आहेत. माझ्याकडे केवळ ९२ हजार शिल्लक आहेत. सर्व पैसे त्याने नशा करण्यासाठी उधळले.'
हे वाचा-म्युझिकशिवाय दिली डान्स ऑडिशन, तरी झाली निवड! आज आहे आघाडीची अभिनेत्री
कुटुंबाच्या विरोधात जाऊन केलं होता प्रेम विवाह
दैनिक सवेराला दिलेल्या मुलाखतीत ज्योतीने असे म्हटले आहे की, तिने कुणालसाठी सर्व काही सोडले होते. पण त्याने त्याची तमा बाळगली नाही. आता तिने घटस्फोटाची मागणी केली आहे. कुणाल तिच्यावर कामासाठी दबाव आणून मानसिक त्रास देत असल्याचा आरोपही गायिकेने केला आहे.
आतापर्यंत गप्प का होती गायिका?
ज्योती इतके दिवस शांत का होती असं विचारल्यावर तिने उत्तर दिले की तिला वाटायचे की तो सुधारेल. मात्र डोक्यावरून पाणी गेल्याने तिला हे पाऊल उचलावे लागले. ज्योतीने सांगितले की तिला तिचे वडील आणि बहिणीला या प्रकरणापासून दूर ठेवायचे आहे. कारण तिला तिच्या वृद्ध आई-वडिलांना त्रास द्यायचा नाही.
ज्योती मुळची जालंधरची आहे. तिने 2014 मध्ये कुणाल पासीसोबत लग्न केले होते, त्यांचे लव्ह मॅरेज होते. ज्योतीने तिच्या पतीवर दारूच्या नशेत मारहाण केल्याचा आरोप केला. ती म्हणते की, लग्नाच्या पहिल्या वर्षात सर्व काही ठीक होते पण त्यानंतर त्याने तिला मारहाण करण्यास सुरुवात केली. घरातील पैसेही त्याने दारूसाठी उडवले. मीडिया रिपोर्ट्सनुसार, गायिकेने जालंधरमध्ये पोलीस स्टेशनमध्ये संरक्षण मागितले आहे आणि तिच्या पतीविरोधात कारवाई करण्याची मागणी केलीये.
'नवऱ्याने हडपले २० कोटी'
तिने असाही आरोप केला आहे की तिने देश-विदेशात कार्यक्रम करून जेवढे पैसे कमावले आहेत तेवढे तिच्या पतीने हिसकावून घेतले आहेत. ती म्हणते की, 'माझ्या पैशांचा हिशोब कुणाल ठेवायचा. मी जे काही कमावलं ते त्याने गायब केलं आहे. माझे २० कोटी त्याने हडपले आहेत. माझ्याकडे केवळ ९२ हजार शिल्लक आहेत. सर्व पैसे त्याने नशा करण्यासाठी उधळले.'
हे वाचा-म्युझिकशिवाय दिली डान्स ऑडिशन, तरी झाली निवड! आज आहे आघाडीची अभिनेत्री
कुटुंबाच्या विरोधात जाऊन केलं होता प्रेम विवाह
दैनिक सवेराला दिलेल्या मुलाखतीत ज्योतीने असे म्हटले आहे की, तिने कुणालसाठी सर्व काही सोडले होते. पण त्याने त्याची तमा बाळगली नाही. आता तिने घटस्फोटाची मागणी केली आहे. कुणाल तिच्यावर कामासाठी दबाव आणून मानसिक त्रास देत असल्याचा आरोपही गायिकेने केला आहे.
आतापर्यंत गप्प का होती गायिका?
ज्योती इतके दिवस शांत का होती असं विचारल्यावर तिने उत्तर दिले की तिला वाटायचे की तो सुधारेल. मात्र डोक्यावरून पाणी गेल्याने तिला हे पाऊल उचलावे लागले. ज्योतीने सांगितले की तिला तिचे वडील आणि बहिणीला या प्रकरणापासून दूर ठेवायचे आहे. कारण तिला तिच्या वृद्ध आई-वडिलांना त्रास द्यायचा नाही.