दीपिकाच नाहीतर 'या' अभिनेत्रींनी दिला सलमानसोबत काम करण्यास नकार

मुंबई : दीपिका पादुकोणने २००७ मध्ये शाहरुख खानच्या 'ओम शांती ओम'मध्ये प्रमुख भूमिका साकारली होती. या चित्रपटाने तिने बॉलिवूडमध्ये पदार्पण केलं. त्याआधी तिने हिमेश रेशमियाचा म्यूजिक व्हिडिओ 'नाम है तेरा'मध्येही दिसली होती. जो २००५ मध्ये रिलीज झाला होता. पण तुम्हाला माहिती आहे का की दीपिका पादुकोणला बॉलिवुडमध्ये शाहरुख खानसोबत नाही तर सलमान खानसोबत पदार्पण करण्याची संधी मिळली होती. हो शाहरुख खानच्या 'ओम शांती ओम' आधी पहिली ऑफर सलमान खानने दिली होती. जर का ही ऑफर दीपिकाने स्वीकारली असती तर आज तिने दबंग खानच्या चित्रपटातून बॉलिवूडमध्ये पदार्पण केलं असतं.

दीपिकाने नुकत्याच दिलेल्या एका मुलाखतीत सांगितले की, 'ओम शांती ओम'पूर्वी सलमानने तिला त्याच्या एका चित्रपटाची ऑफर दिली होतीय पण तिने नकार दिला होता. दीपिकाच्या म्हणण्यानुसार, त्यावेळी तिला या क्षेत्रात काम करण्याची इच्छा नव्हती. 'बॉलिवुड हंगामा'ला दिलेल्या मुलाखतीत दीपिकाने ही गोष्ट सांगितला. चित्रपटासाठी नकार देण्याचे कारण सांगताना ती म्हणाली, 'आमच्यातलं नातं खरंच खूप छान राहील, कारण त्याने (सलमान खान)मला माझ्या करिअरमधला पहिला चित्रपट ऑफर केला. त्यावेळी मी नुकतेच मॉडेलिंग सुरू केलं होतं आणि माझ्यासोबत काम केलेल्या कोणीतरी त्याला माझं नाव सुचवलं होतं. ज्यावेळी मला स्वतःला माहितीही नव्हत की मी चित्रपटात काम करू शकते त्यावेळी त्याने माझ्यात क्षमता पाहिली.'

चिटिंगबाबत मीडियाने दीपिकाला विचारला प्रश्न, उत्तर देताना असं काही म्हणाली की...
दीपिकाच्या आधी ही अनेक अभिनेत्रींनी दबंग खानसोबत काम करण्यस नकार दिला आहे. यामध्ये दीपशिखा नागपाल, उर्मिला मातोंडकर, सोनाली बेंद्रे, ऐश्वर्या राय यांच्या नावांचा समावेश आहे. जणून घेऊयात यांनी का नकार दिला.

ऐश्वर्या राय बच्चन

ऐश्वर्या रायने सलमान खानसोबत 'हम दिल दे चुके सनम' चित्रपटात काम केलं आहे. या चित्रपाटच्या चित्रीकरणा दरम्यान ते रिलेशनशिपमध्ये होते. त्यांच नातं इंडस्ट्रीमधील चर्चेत नातं होतं. पण काही काळाने सलमान आणि ऐश्वर्याच्या नात्यात तनाव निर्माण झाला. तेव्हापासून दोघांनी कधीही एकत्र काम केलं नाही. संजय लीला भन्साळी यांना ऐश्वर्या आणि सलमानला घेऊन 'बाजीराव मस्तानी' बनवायचा होता, पण त्यांच्या नात्यातला कटूपणा बघता ते शक्य झालं नाही.

कंगना रनौत

कंगना रनौतने बॉलिवूडमधील अनेक लोकप्रिय कलाकारांसोबत काम केलं आहे. पण तिला इंडस्ट्रीतील कोणत्याही खानसोबत काम करायचं नाही. कंगनाने अनेकवेळा मुलाखतींमध्ये सांगितलं आहे की, तिला कोणत्याही खानची गरज नाही. एका मुलाखतीत कंगनाने सांगितलं होतं की, तिला सलमानसोबत कधीच काम करायचं नाही. कारण, त्याच्या चित्रपटांचं श्रेय अभिनेत्रीला जात नाही, तर सलमानला जातं.

Sridevi Death Anniversary : श्रीदेवींच्या आठवणीत खुशी कपूर भावूक, कधीही न पाहिलेला फोटो शेअर केला अन्...

ट्विंकल खन्ना

अक्षय कुमारची पत्नी ट्विकंल खन्नाने सलमान खान सोबत 'जब प्यार किसी से होता है' मध्ये काम केलं होतं. चित्रपटातली त्यांची केमिस्ट्री प्रेक्षकांना खुप आवडली. परंतु, या चित्रपाटानंतर ट्विंकलने पुन्हा सलमानसोबत कोणत्याही चित्रपटात काम केलं नाही. ट्विकंल खन्नानाला सलमान सोबत काम करण्याच्या जितक्या ऑफर आल्या त्यासाठी तिने नकार दिला.

सोनाली बेंद्रे

सोनाली बेंद्रेने देखील सलमानसोबत काम करयाच्या अनेक ऑफर आल्या होत्या. परंतु, तिने त्या नकारल्या. 'हम साथ साथ हैं' या चित्रपटात त्यांनी रोमॅन्स केला. सोनाली बेंद्रेची सलमानसोबतची जोडीही खूप आवडली होती. मात्र, या चित्रपटानंतर सोनाली बेंद्रेने काही वैयक्तिक कारणांमुळे सलमानसोबत काम करण्यास नकार दिला होता. 'हम साथ साथ है' दरम्यान हिरण केसमध्ये सलमान खानच नाव समोर आल्यानंतर सोनालीने सलमानसोबत काम करण्यास नकार दिल्याचे सांगितलं जातं. मात्र, यात कितपत तथ्य आहे, हे सांगता येणार नाही.

उर्मिला मातोंडकर

उर्मिला मातोंडकरचे नाव देखील सलमानसोबत काम न करणाऱ्या अभिनेत्रींच्या यादीत आहे. सलमान आणि उर्मिला मातोंडकर यांनी 'जानम समझा करो' या चित्रपटात एकत्र काम केले होते. पण हा चित्रपट बॉक्स ऑफिसवर फ्लॉप ठरला. हा चित्रपट फ्लॉप झाल्यामुळे उर्मिला आणि सलमानने पुन्हा एकत्र काम केले नाही, असं सांगितलं जातं.