पुरता अडकला अभिनेता! १२ डिसेंबरपर्यंत हजर राहण्याचे परेश रावल यांना पोलिसांनी दिले आदेश

कोलकाता : गुजरात निवडणुकीदरम्यान बंगाली लोक मासे शिजवतात यावर भाष्य केल्यानंतर बॉलिवूड अभिनेता परेश रावल यांच्या अडचणीत वाढ झाली आहे. त्यांच्या वक्तव्याचा देशभरातून निषेध होत असताना कोलकाता पोलिसांनी मंगळवारी परेश रावल यांना समन्स बजावले. सूत्रांनी दिलेल्या माहितीनुसार, परेश यांनी गुजरात निवडणुकीच्या प्रचारादरम्यान बंगाली आणि मासे शिजवण्याबाबत वादग्रस्त वक्तव्य केलेले. त्यानंतर देशभरातून त्यांचा तीव्र निषेध व्यक्त करण्यात आला. बंगालमधील अनेक नेते आणि मंत्र्यांनी तृणमूलच्या खासदारांकडून परेश रावल यांच्या अटकेची मागणी केली होती.

१२ डिसेंबरला तळताळा पोलिस ठाण्यात बोलावले

कोलकाता पोलिसांनी सांगितले की, आम्ही त्यांना १२ डिसेंबर रोजी तालताळा पोलीस ठाण्यात हजर राहण्यासाठी समन्स पाठवले आहे. हे बंगालींसाठी मासे शिजवण्यावर टिप्पणी करण्याच्या संबंधात आहे. यावरून त्यांची चौकशी केली जाईल. माकपचे ज्येष्ठ नेते मोहम्मद सलीम यांनी रावल यांच्यावर भारतीय दंड संहिता कलम १५३ (दंगलीच्या उद्देशाने चिथावणी देणे), कलम १५३ ए (विविध गटांमधील वैर वाढवणे), कलम १५३ बी (भाषिक किंवा वांशिक गटांमधील द्वेष वाढवणे) आणि कलम ५०४ (शांतता भंग करण्याच्या हेतूने हेतुपुरस्सर अपमान) अंतर्गत गुन्हा दाखल केला आहे.

काय म्हणाले परेश रावल

भाजपचे माजी खासदार रावल गुजरातमधील एका निवडणूक सभेत म्हणाले होते, 'एलपीजी सिलिंडर महाग आहेत, पण त्यांची किंमत कमी होईल. लोकांना रोजगारही मिळेल. पण जरा विचार करा की निर्वासित रोहिंगे आणि बांगलादेशी दिल्लीत राहतात तसे तुमच्या आसपास राहू लागले तर? तेव्हा एलपीजी सिलेंडरचं काय कराल.. बंगाल्यांसाठी मासे शिजवणार का?' मात्र, हा मुद्दा जोर धरत असल्याचे पाहून रावल यांनी माफी मागितली होती. 'बंगाली म्हणजे बेकायदेशीर बांगलादेशी आणि रोहिंग्या असं मला बोलायचं होतं, पण माझ्या वक्तव्यामुळे कोणाच्या भावना दुखावल्या गेल्या असतील तर मी माफी मागतो,' असे ते म्हणाले होते.