माझ्या १४ वर्षांच्या मोलकरीणवर केलेला रेप, अभिनेत्रीने आदित्य पांचोलीवर केलेले गंभीर आरोप

मुंबई- बॉलिवूड अभिनेता आदित्य पांचोली मोठ्या वादांमुळे अनेकदा चर्चेत राहिला आहे. एक प्रसंग असाही आला जेव्हा 'जो जीता वही सिकंदर' अभिनेत्री पूजा बेदीने त्याच्यासोबतच्या अफेअरचा खुलासा केला. यासोबतच अभिनेत्रीने तिच्या मोलकरणीवर बलात्कार केल्याचा गंभीर आरोपही केला होता.

दरवर्षी ५ जूनला एका दिग्दर्शकाला कॉल करायच्या सुलोचना दीदी, एक दिवसआधीच घेतला अखेरचा श्वास
साधारण १९९० मधली ही गोष्ट आहे. आदित्यने अभिनेत्री जरीना वहाबशी लग्न केले होते पण तो पूजा बेदीसोबत विवाहबाह्य संबंधांमध्येही होता. याचमुळे त्यांचे नाते फार काळ टिकले नाही. या अफेअरबद्दल स्वत: पूजा बेदीने एका मुलाखतीत सांगितले होते. याचवेळी तिने अभिनेत्यावर अत्यंत गंभीर आरोपही केले होते.


ब्रेकअपनंतर पूजा बेदीने ९० च्या दशकातच एक मुलाखत दिली होती. ज्यामध्ये ती म्हणाली की, 'मला माझ्या मोलकरणीच्या मानेवर काही खुणा दिसल्या. ते लव्हबाईट दिसत होते. मी तिला मस्करीत विचारले की तुझा बॉयफ्रेंड कोण आहे. या प्रश्नावर ती घाबरली आणि म्हणाली नाही, असे काही नाही. पूजा बेदीने सांगितले होते की, तिची मोलकरीण १४ वर्षांची होती, ती अल्पवयीन होती. यानंतर अभिनेत्रीने मोलकरणीसोबत झालेलं पूर्ण संभाषण सांगितलं.

ती म्हणाली की, 'मी तिला पुन्हा तिच्या प्रियकराबद्दल विचारलं तेव्हा ती जास्तच घाबरली. मला माहीत असलेल्या अनेक लोकांची मी नावं घेतली. पण मला संशय तेव्हा आला जेव्हा तिने लाजेने नाही तर शरमेने मान खाली घेतली. मी तिला पुन्हा विचारलं, आदित्य होता का? तेव्हा तिच्या डोळ्यात अश्रू तरळले आणि अखेर तिने होकारार्थी मान हलवली.


आदित्य पांचोलीबद्दल ऐकून सर्वांनाच धक्का बसला

पूजा बेदीच्या या आरोपांनंतर सर्वांच्याच भूवया उंचावल्या होत्या. मोलकरणीसोबत महिनाभर हा प्रकार घडल्याचेही अभिनेत्रीने सांगितले होते. मोलकरणीने असेही सांगितले होते की, पहिल्यांदा आदित्य पांचोलीचे तिच्यासोबत अतीप्रसंग तेव्हा केला जेव्हा त्यांचे (पूजा बेदी-आदित्य पांचोली) भांडण झाले होते.

जय श्रीराम! आदिपुरुषमध्ये हनुमान साकारणाऱ्या देवदत्त नागेची संपत्ती किती आहे माहीत आहे का?
आदित्यने मोलकरणीला रोशन तरनेजा यांच्याकडे अभिनयाच्या क्लासेससाठी पाठवतो आणि तिथे पैसेही देतो, असे आमिष दाखविल्याचा आरोपही पूजा बेदीने केला होता. जेव्हा अभिनेत्रीला हे कळले तेव्हा तिने तात्काळ आदित्यची पत्नी जरीनाला घरी बोलावले आणि सर्व काही सांगितले. त्यानंतर जरीनालाही धक्का बसला. टाईम्स ऑफ इंडियाने दिलेल्या वृत्तानुसार, पूजाने आदित्य पांचोली विरोधात केसही दाखल केली होती. तथापि, अभिनेता आणि मोलकरणीने संमतीने संबंध असल्याची कबुली दिली होती.