Video: आलिया भट्ट भारतात परतली, एअरपोर्टवर रणबीरला पाहाताच...

मनोरंजनविश्वातील सध्याचं लोकप्रिय सेलिब्रिटी जोडपं म्हणजे आलिया भट्ट आणि रणबीर कपूर. ते यावर्षी एप्रिल महिन्यात लग्नबंधनात अडकले. त्यांनी साधेपणाने आणि मोजक्या लोकांच्या उपस्थितीत लग्न केल्यानं त्यांच्या लग्नाची बरीच चर्चा झाली. गेल्या काही वर्षांत या सेलिब्रिटी जोडप्याची लोकप्रियता तुफान वाढली आहे. या सगळ्यात आता आलिया आणि रणबीरनं आणखी एक आनंदाची बातमी दिली. आलिया आई होणार आहे. तिनं सोशल मीडिया अकाऊंटवरून ही पोस्ट शेअर केली होती.


आलियानं चाहत्यांसोबत ही गोड बातमी शेअर केली तेव्हा ती तिच्या हॉलिवूड चित्रपटाच्या शूटिंगसाठी परदेशात गेली होती. आलिया नुकतीच भारतात परतली आहे. शनिवारी रात्री उशीरा आलिया मुंबईत दाखल झाली. त्यामुळं तिला रणबीरही तिला भेटण्यासाठी आतुर झाला होता. दोघंही मुंबई एअरपोर्टवर स्पॉट झाले होते.

आलिया एअरपोर्टच्या बाहेर येताच फोटोग्राफर्सनं तिच्यावर अभिनंदनाचा वर्षाव केला. ते पाहून आलिया देखील भारावून गेली होती. थॅंक्यू थॅंक्यू म्हणत आलिया तिच्या कारमध्ये गेली. कारमध्ये रणबीरला पाहाताच क्षणी तिनं त्याला मिठी मारली.

'द आर्चिस' मधला सुहाना खान आणि खुशी कपूरचा नवा लुक , Photos झाले व्हायरल
रणबीर आणि आलियाचा हा व्हिडिओ सोशल मीडियावर सध्या व्हायरल होत असून चाहते दोघांना पुन्हा एकत्र पाहण्यासाठी उत्सुक आहेत.
'सुंदरा मनामध्ये भरली'मध्ये मोठा ट्विस्ट, मालिकेत होणार 'दिल दोस्ती दुनियादारी' फेम अभिनेत्रीची एंट्री

आलियानं शेअर केला होता खास फोटो
आलियानं शेअर केलेल्या या फोटोत ती रुग्णालयात असल्याचं दिसतंय. याशिवाय त्या फोटोत रणबीरही तिच्या बाजूला पाहायला मिळतोय. तसंच आलियानं नव्या पाहुण्याची चाहूल दर्शवणारा सिंहाच्या कुटुंबाचा एक प्रातिनिधक फोटोदेखील शेअर केला आहे. हा फोटो शेअर करत 'आमचं बाळ लवकरच येत आहे', अशी कॅप्शन दिली आहे. तिच्या या पोस्टवर सिनेसृष्टीतील अनेक लोकप्रिय कलाकारांनी त्यांना शुभेच्छा दिल्या होत्या..