मावशीच्या साखरपुड्याला मालती मुंबईत? प्रियांका आणि निकच्या मुंबई दौऱ्यानं चर्चेला उधाण

मुंबई: बॉलिवूड अभिनेत्री परिणीती चोप्रा हिचा साखपुडा लवकरच होणार असल्याच्या चर्चा सुरू आहेत. या चर्चा सुरू असताना आता पिरिणीतीची चुलत बहीण प्रियांका चोप्रा हिनं तडकाफडकी मुंबई गाठली आहे. प्रियांका तिचा पती निक जोनस आणि मुलगी मालतीसोबत मुंबई विमानतळाव स्पॉट झाली.

प्रियांका मुंबईत आल्यानं आता लवकरच परिणीतीचा साखरपुडा पार पडणार असल्याचं म्हटलं जात आहे. प्रियांका, निक आणि त्यांची चिमुकली मालती आता मुंबईत आले आहेत. प्रियांकाची लेक पहिल्यांदाच भारतात आली आहे.

मालती भारतात केव्हा येणार असं प्रियांकाला नेहमीच विचारलं जात होतं. पण आता मावशीच्या साखरपुड्याच्या निमित्तानं मालती भारतात आली आहे.

'तारे जमीन पर'मध्ये दिसली नसती गिरीजा ओक, ही बॉलिवूड अभिनेत्रीला ऑफर करण्यात आली होती भमिका
लक्ष वेधलं
प्रियांका मालतीला कडेवर घेऊन विमानतळातून बाहेर पडली. त्यामुळं सगळ्यांच्या नजरा चिमुकल्या मालतीवर खिळल्या होत्या.

दरम्यान, अभिनेत्री परिणीती चोप्रा सध्या फारसे चित्रपट करताना दिसत नाही. तिच्या आगामी कलाकृतींचीही काहीच चर्चा नाही. पण आता लग्नाची चर्चा सुरू आहे. परिणीती आणि आप पक्षाच्या राघव चढ्ढा यांना डेट करत असल्याच्या चर्चा सुरू आहेत. हे दोघंही ब्रिटन इथं शिकत असल्यापासूनचे मित्र-मैत्रिणी असल्याचं कळतंय. या दोघांच्या भेटीचे फोटोही व्हायरल झाले आहेत. त्यामुळंच आता लग्नाची चर्चा सुरू असून, लवकरच परिणीती तारीख जाहीर करील, असंही कळतंय. आता परिणीती काय म्हणते, याकडं सगळ्यांचं लक्ष आहे.

बॉलिवूडध्ये जागा नाही?
प्रियांकाच्या कामाबद्दल बोलायचं झालं तर ती आता हॉलिवूडस्टार म्हणून मिरवत असली, तरी ती हिंदी चित्रपट केव्हा करणार, याची प्रतीक्षा तिच्या चाहत्यांना आहे. सध्या तरी प्रियांका त्या मूडमध्ये दिसत नाही. याची वेगवेगळी कारणं सध्या इंडस्ट्रीत चर्चेत आहेत.

एक तर प्रियांका हॉलिवूड प्रोजेक्टमध्ये व्यग्र आहे. दुसरं कारण, तिची मुलगी मालतीमेरीचा जन्म झाल्यापासून, प्रियांकाला तिथलं काम आणि लेकीसाठीचा वेळ यांत कुठलीही तडजोड करण्याची इच्छा नाही. तिसरं कारण सर्वांधिक चर्चेत आहे, ते म्हणजे प्रियांका आता ग्लोबल स्टार झाल्यानं, तिचं मानधन आणि तिला लॉस एंजेलिसमधून बोलावणं निर्मात्यांना परवडणारं नाही.

ठरलंय की! परिणिती आणि राघव यांच्या नात्याला दुजोरा, गायकानं थेट फोन करून दिल्या शुभेच्छा
बॉलिवूडच्या ‘ए’ लिस्टर नायकांसोबत चित्रपटासाठी विचारल्यास तिचं मानधन अधिक असणार आहे. या कारणांमुळं ती हिंदी चित्रपटांपासून दूर असल्याचं कळतंय. प्रियांकाच्या मित्रपरिवारातील एका निर्मात्यानं याहीपुढे जात असं म्हटलं आहे, की बॉलिवूडमध्ये आता तिच्यासाठी जागा नाही; कारण प्रियांका त्यांना परवडणार नाही. ती आता ‘एलए’मध्ये राहते आणि तिलाही हॉलिवूडमधलं करिअर सोडून इथं यायची फारशी इच्छा नाही. हे सगळं पाहता आता पीसी हिंदी चित्रपट करते की नाही, या संभ्रमात तिचे चाहते आहेत.