लुक टेस्ट नंतरही शिवरायांची भूमिका मिळाली नाही, रडला होता अभिनेता

मुंबई: छत्रपती शिवाजी महाराज यांचे व्यक्तिमत्त्व आणि त्यांच्या गौरवशाली इतिहासानं मनोरंजनसृष्टीला नेहमीच भुरळ घातली आहे. आजवर टीव्ही मालिका आणि चित्रपटांमध्ये महाराजांच्या भूमिकेत ज्येष्ठ अभिनेते सूर्यकांत मांढरे यांच्यापासून महेश मांजरेकर, डॉ. अमोल कोल्हे, चिन्मय मांडलेकर, प्रसाद ओक, शंतनू मोघे, शरद केळकर, भूषण प्रधान, सुबोध भावे आदी कलाकारांनी भूमिका साकारल्या आहेत. आता या पंगतीत अभिनेता अक्षयकुमारदेखील बसणार आहे. महेश मांजरेकरदिग्दर्शित 'वेडात मराठे वीर दौडले सात' या चित्रपटात अक्षय छत्रपती शिवाजी महाराज यांची भूमिका साकारणार आहे.

दरम्यान, काही महिन्यांपूर्वी अभिनेता आर माधनव याचा शिवरायांच्या वेशभूषेतील एक फोटो प्रचंड व्हायरल झाला होता. माधवननं शेअर केलेल्या या फोटोनं वेधून घेतलं होतं. छत्रपती शिवाजी महाराज यांच्या रुपातील हा फोटो पाहून माधवनच्या चाहत्यांनी प्रतिक्रियांचा पाऊस पाडला होता. त्याच्या या लुकसाठी त्याचं कौतुकही झालं होतं.
केरळमधल्या ३२ हजार महिला कुठं गायब झाल्या? प्रत्येकाला हादरवून टाकेल चित्रपटाचा ट्रेलर

छत्रपती शिवाजी महाराज यांच्या भूमिकासाठी त्याची ही लुकटेस्ट करण्यात आली होती. परंतु काही कारणामुळं ही भूमिका त्याला मिळाली नाही. यावर त्यानं खंत व्यक्त केली होती. त्यानं काही रडतानाचे इमोजीही शेअर केले होते. यातून त्याला शिवरायांची भूमिका साकारायला मिळाली नाही, याचं दु:ख स्पष्ट दिसून आलं होतं.