'व्हर्जिन असून मुलं झाली?' लोकांच्या प्रश्नांच्या भीतीने रवीना टंडनने दत्तक मुलींना सर्वांपासून लपवलेलं

मुंबई : अभिनेत्री रवीना टंडन ने ९० च्या दशकात छाया आणि पूजा या दोन मुलींना दत्तक घेतल्या होत्या. त्यावेळी रवीना २१ वर्षांची होती. अभिनेत्रीने सांगितले की, त्यावेळी तिने कोणालाही न सांगता मुली दत्तक घेतल्या होत्या. कारण तिला भीती होती की, वर्तमानपत्रांमध्ये ही बातमी कशा पद्धतीने प्रसिद्ध होईल हे माहीत नव्हतं. त्यातच लोकांची प्रतिक्रिया कशी असेल.. व्हर्जिन असताना मुलं झाल्याचा आरोप होईल की काय अशी भीती रवीनाला वाटत होती. आरजे सिद्धार्थ कननने घेतलेल्या मुलाखतीत मुलींना दत्तक घेण्याच्या निर्णयाबाबत रवीनाने चर्चा केली. विशेष म्हणजे रवीना वयाच्या ४६ व्या वर्षी आजी झाली आहे.

माझे स्तन इतके मोठे नाहीएत... कपिलच्या त्या प्रश्नावर नीना गुप्ता यांनी दिलं उत्तर

दत्तक घेतल्यानंतर मुलींना दहावीपर्यंत सर्वांपासून लपवलं

रवीना टंडन म्हणाली, 'सुरुवातीचा काळ हा यलो जर्नलिझमचा होता. त्याकाळी कट्टर लेखक होते जे फक्त गलिच्छ लिहीत होते आणि त्यांचे मथळेदेखील गलिच्छ होते. त्या दिवसांत कोणत्याही गोष्टीचा अनर्थ ते करू शकत होते. जेव्हा मी मुली दत्तक घेतल्या तेव्हा सुरुवातीला मी त्यांच्याबद्दल अजिबात बोलले नाही. विशेषत: त्या दहावी पासहोईपर्यंत. नंतर त्या माझ्यासोबत शूटिंगला येऊ लागल्या तेव्हा सगळे मला विचारू लागले की, या मुली कोण आहेत. तेव्हा मी हळूहळू त्यांना सांगू लागले.


'लोकांच्या मनात घाण होती'

रवीना पुढे म्हणाली, 'त्यावेळी मी खूप घाबरले होते. अस असायचं की तुम्ही काही बोलाल आणि लोक त्याचा काय अर्थ घेतील काही सांगता येत नव्हतं. त्यातही वर्तमानपत्रात गुपचूप बाळ झालं असं छापून आलं तर मग हे बाळ कोणाचं आहे असेही प्रश्न विचारले जातील यामुळे मी मुली दत्तक घेतल्याचं कोणलाही सांगितलं नव्हतं. तेव्हा लोकांच्या मनात खूप घाण होती.

नागा चैतन्यच्या प्रेमात होती श्रुती हसन, बहिणीमुळे सोडलं


दरम्यान, रवीनाच्या दोन्ही दत्तक मुली पूजा आणि छाया विवाहित आहेत आणि त्यांना मुलेही आहेत. नुकताच छायाच्या लग्नाचा वाढदिवस होता. यावेळी रवीनाने तिच्या लग्नाचे कधीही न पाहिलेले फोटो शेअर करून मुलीला शुभेच्छा दिल्या. रवीनाने एका मुलाखतीत सांगितलं होतं की, छाया आणि पूजा या दोघी तिच्या चांगल्या मैत्रिणी आहेत. रवीनाचं जेव्हा लग्न झालं तेव्हा दोन्ही मुली तिच्यासोबत गाडीत बसल्या होत्या आणि त्यांनीच रवीनाला मंडपात नेलं होतं.