मुंबई- जगभरातील सिनेसृष्टीला उत्सुकता असते ती कान्स फिल्म फेस्टिव्हल ची. सध्या ७५ व्या कान्स फिल्म फेस्टिवलचे रेड कार्पेट खुले झाले आहे. जगभरातील कलाकारांच्या या कान्स फेस्टिवलशी अनेक आठवणी जोडलेल्या आहेत. अशी एक आठवण ज्येष्ठ अभिनेत्री शबाना आझमी यांनी त्यांच्या इन्स्टा पेजवर शेअर केली आहे. १९७५ सालचा एक खास फोटो त्यांनी शेअर केला असून यामध्ये त्यांच्यासोबत दिवंगत अभिनेत्री स्मिता पाटील आणि दिग्दर्शक श्याम बेनेगल आहेत. या फोटोशी जोडलेला एक खास किस्साही त्यांनी सांगितला. सध्या कान्स फेस्टिवलसोबत शबाना यांच्या या फोटोचीही जोरदार चर्चा सुरू आहे. Cannes मध्ये भारताचाच बोलबाला, मिळाला 'कंट्री ऑफ ऑनर' सन्मान
१९७५ साली कान्स फिल्म फेस्टिव्हलसाठी शबाना आझमी, स्मिता पाटील आणि श्याम बेनेगल गेले होते. बेनेगल यांच्या 'निशांत' सिनेमाच्या निमित्ताने या त्रयीची कान्सवारी गाजली होती. शबाना आझमी यांनी त्यावेळच्या आठवणींना उजाळा दिला आहे. १९७५ सालच्या कान्समध्ये 'निशांत' सिनेमाचं स्क्रिनिंग झालं होतं. तो अनुभव सांगताना शबाना म्हणाल्या, 'मी आणि स्मिता यांनी साडीमधील भारतीय पारंपरिक लुकमध्ये, कान्सच्या रेड कार्पेटवर चालत साऱ्यांचं लक्ष वेधलं होतं.'
'निशांत' सिनेमाच्या प्रमोशनसाठी आमच्याकडे काही खास नव्हतं. मग काय, श्याम बेनेगल यांनी आम्हा दोघींना साडीमधला लुक करायला सांगितलं. कान्समध्ये आलेल्या मॉडर्न अभिनेत्रींच्या गर्दीत आमचा साडीतील लुक इतका गाजला की त्यासोबत निशांत या आमच्या सिनेमाचीही चर्चा झाली. आमच्या साडीतील लुकची स्तुती करण्यासाठी प्रेक्षक आणि इतर कलाकार आमच्याकडे आले तेव्हा आम्ही 'निशांत' सिनेमा बघा असं म्हणत प्रमोशन केलं.'
श्याम बेनेगल यांनीच सिनेमाच्या प्रमोशनची कल्पना मांडली होती जी यशस्वी झाली. निशांत या सिनेमाला १९७७ चा राष्ट्रीय पुरस्कार मिळाला आहे. प्रख्यात नाटककार विजय तेंडुलकर लिखित या सिनेमात गिरीश कर्नाड, नसीरुद्दीन शहा आणि अमरिश पुरी यांचाही अभिनय आहे. कान्स फेस्टिव्हलमध्ये या सिनेमाचे स्क्रिनिंग गाजले होते.
राखी सावंतला प्रेमात पाडणारा Adil Khan आहे तरी कोण?
शबाना यांनी शेअर केलेल्या या पोस्टला सेलिब्रिटी कलाकारांनी खूप साऱ्या कमेंट केल्या आहेत. हिंदी सिनेमाचा तो सुवर्णकाळ तुम्ही अनुभवला हे भाग्याचं आहे अशा कमेंट आल्या आहेत. दिव्या दत्ताने असं म्हटलं आहे की हा फोटो तिच्या संग्रहात आहे.
१९७५ साली कान्स फिल्म फेस्टिव्हलसाठी शबाना आझमी, स्मिता पाटील आणि श्याम बेनेगल गेले होते. बेनेगल यांच्या 'निशांत' सिनेमाच्या निमित्ताने या त्रयीची कान्सवारी गाजली होती. शबाना आझमी यांनी त्यावेळच्या आठवणींना उजाळा दिला आहे. १९७५ सालच्या कान्समध्ये 'निशांत' सिनेमाचं स्क्रिनिंग झालं होतं. तो अनुभव सांगताना शबाना म्हणाल्या, 'मी आणि स्मिता यांनी साडीमधील भारतीय पारंपरिक लुकमध्ये, कान्सच्या रेड कार्पेटवर चालत साऱ्यांचं लक्ष वेधलं होतं.'
'निशांत' सिनेमाच्या प्रमोशनसाठी आमच्याकडे काही खास नव्हतं. मग काय, श्याम बेनेगल यांनी आम्हा दोघींना साडीमधला लुक करायला सांगितलं. कान्समध्ये आलेल्या मॉडर्न अभिनेत्रींच्या गर्दीत आमचा साडीतील लुक इतका गाजला की त्यासोबत निशांत या आमच्या सिनेमाचीही चर्चा झाली. आमच्या साडीतील लुकची स्तुती करण्यासाठी प्रेक्षक आणि इतर कलाकार आमच्याकडे आले तेव्हा आम्ही 'निशांत' सिनेमा बघा असं म्हणत प्रमोशन केलं.'
श्याम बेनेगल यांनीच सिनेमाच्या प्रमोशनची कल्पना मांडली होती जी यशस्वी झाली. निशांत या सिनेमाला १९७७ चा राष्ट्रीय पुरस्कार मिळाला आहे. प्रख्यात नाटककार विजय तेंडुलकर लिखित या सिनेमात गिरीश कर्नाड, नसीरुद्दीन शहा आणि अमरिश पुरी यांचाही अभिनय आहे. कान्स फेस्टिव्हलमध्ये या सिनेमाचे स्क्रिनिंग गाजले होते.
राखी सावंतला प्रेमात पाडणारा Adil Khan आहे तरी कोण?
शबाना यांनी शेअर केलेल्या या पोस्टला सेलिब्रिटी कलाकारांनी खूप साऱ्या कमेंट केल्या आहेत. हिंदी सिनेमाचा तो सुवर्णकाळ तुम्ही अनुभवला हे भाग्याचं आहे अशा कमेंट आल्या आहेत. दिव्या दत्ताने असं म्हटलं आहे की हा फोटो तिच्या संग्रहात आहे.