'किंग इज बॅक', चार महिन्यांनंतर शाहरुख खानने शेअर केली पहिली पोस्ट

मुंबई- बॉलिवूड अभिनेता शाहरुख खान बऱ्याच काळापासून सिनेमांपासून लांब आहे. आर्यन खान ड्रग्ज प्रकरणानंतर तो सोशल मीडिया आणि नवीन प्रोजेक्ट्सपासूनही लांब होता. मात्र आता सगळं व्यवस्थित होतं असल्याचं दिसून येत आहे. कारण आता त्याने त्याच्या कामाला सुरूवात केली आहे . तसंच त्याने सोशल मीडियावरही पुनरागमन केले आहे.

शाहरुख खानने १९ सप्टेंबर २०२१ ला गणेश चतुर्थी निमित्ताने इन्स्टाग्रामवर शेवटची पोस्ट केली होती. त्यानंतर ३ ऑक्टोबरला आर्यन खानला एनसीबीने अटक केली होती. शाहरुखने मुलाला तुरुंगातून बाहेर काढण्यासाठी सर्वतोपरी प्रयत्न केले. दरम्यान, त्याने सार्वजनिक ठिकाणी फिरणंही बंद केलं होतं. बऱ्याच खटाटोपानंतर आर्यनला जामीन मिळाला आणि तो घरी परतला.

चार महिन्यांनी केली पोस्ट

शाहरुखने तब्बल ४ महिन्यांनंतर एक पेड पोस्ट शेअर केली आहे. त्यात गौरी खानही दिसत आहे. शाहरुखने ही पोस्ट शेअर करत त्या ब्रॅंड बरोबर काम करायला खूप आनंद होत असल्याचं सांगितलं. शाहरुखची ही पोस्ट पाहून त्याचे चाहते आनंदी झाले. एका चाहत्याने लिहिले, 'किंग इज बॅक.' तर एकाने 'बर्‍याच दिवसांनी शाहरुखची पोस्ट पाहून आनंद झाला. खूप प्रेम.'


आगामी चित्रपट

शाहरुख खानच्याकामा बाबत बोलायचं झालं तर, शाहरुख गेल्या काही दिवसांपासून 'पठाण' सिनेमाच्या चित्रीकरणात व्यग्र आहे. यात त्याच्यासोबत अभिनेत्री दीपिका पादुकोण काम करणार आहे. याशिवाय तो दाक्षिणात्य सिनेसृष्टीतील प्रसिद्ध दिग्दर्शक एलटी यांच्या चित्रपटातही प्रमुख भूमिकेत दिसणार आहे.

शाहरुख खान हळुहळू का होईना त्याचं काम सुरू करत आहे या गोष्टीचा सर्वात जास्त आनंद त्याच्या चाहत्यांना झाला आहे. तसंच आता रुपेरी पडद्यावर तो लवकरात लवकर दिसवा अशी अपेक्षा त्याचे चाहते करत आहेत.