राकेश बापटच नव्हे तर या पाच जणांसोबत जोडलं गेलं होतं शमिता शेट्टीचं नाव, एक तर आहे क्रिकेटपटू

मुंबई : अभिनेत्री शमिता शेट्टी ही देखील तिच्या बहिणी इतकीच म्हणजे शिल्पा शेट्टी इतकीच लोकप्रिय आहे. शमिता शेट्टीनं अभिनयाच्या विश्वात यशराज फिल्मच्या मोहब्बतेंमधून पदार्पण केलं असलं तरी त्यानंतर तिचं अभिनेत्री म्हणून करीअर फारसं यशस्वी ठरलं नाही. आज शमिता शेट्टीचा ४३वा वाढदिवस. आतापर्यंत शमिताचं नाव अनेकांबरोबर जोडलं गेलं परंतु तिचं कोणतही रिलेशन पूर्णत्वास गेलं नाही, आजही ती एकटीच आहे.

बिग बॉस ओटीटीच्या पहिल्या पर्वामध्ये शमिता शेट्टी आणि राकेश बापट यांची लव्हस्टोरी खूपच गाजली होती. त्यानंतर हे दोघंजण बिग बॉस १५ मध्ये देखील सहभागी झाले होते. तिथंही त्या दोघांचं रिलेशनशिप चर्चेत होतं. त्या दोघांचं एकमेकांवर असलेलं प्रेम पाहता लवकरच ते लग्नबंधनात अडकतील अशी त्यांच्या चाहत्यांना वाटत होतं. बिग बॉस संपल्यानंतरही राकेश आणि शमिता अनेकदा एकत्र दिसले होते. त्यामुळे ते लवकरच लग्न करतील अशा चर्चा सुरू झाल्या होत्या. परंतु नेमकं काय झालं ज्यामुळे दोघांच्या नात्यात दुरावा आला आणि त्यांचे मार्ग वेगळे झाले आहेत.

युवराज सिंग
राकेशबरोबर नातं जुळण्याआधी शमिताचं नाव क्रिकेटपटू युवराज सिंग याच्याबरोबर जोडलं गेलं होतं. हे दोघजण एकमेकांना लपून छपून भेटायचे अशीही चर्चा होती. मात्र हे दोघं दुरावले. त्यानंतर युवराजनं हेजल हिच्याबरोबर लग्न केलं आणि संसारी झाला.
आम्ही भेटतो तेव्हा असंच किस करतो... फोटो व्हायरल झाल्यानंतर अभिनेत्रीनं दिलं होतं बोल्ड उत्तर
हरमन बावेजा
शमिताचं नाव हरमन बावेजा याच्याशी ही जोडलं गेलं होतं. हे दोघे २०१२ अनेकदा फिरताना दिसले. तसंच अनेक कार्यक्रमांमध्ये देखील ते एकत्र दिसायचे.

आफताब शिवदासानी
शमिता शेट्टीचं नाव अभिनेता आफताब शिवदासानी याच्याबरोबरही जोडलं गेलं होतं.
बाबो! MC STANच्या बुटांनंतर आता टोपीची चर्चा, किंमत १-२ हजार नव्हे तर तब्बल...
उदय चोप्रा
या सगळ्यांबरोबरच शमिता शेट्टीचं नाव उदय चोप्रा याच्याबरोबरही जोडलं गेलं होतं. या दोघांनी मोहब्बते सिनेमात एकत्र काम केलं होतं. त्यावेळी ते एकमेकांच्या प्रेमात पडल्याची खूप चर्चा होती. परंतु दोघांचं नातं फार काळ टिकलं नाही.