मुंबई: 'शार्क टँक इंडिया २' टेलिव्हिजनवर आल्यानंतर या कार्यक्रमाला एक विशेष लोकप्रियता मिळते आहे. या कार्यक्रमाचे परिक्षकही सोशल मीडियावर हिट आहेत. या कार्यक्रमातील परिक्षकांना 'शार्क' असे संबोधले जाते आणि त्यांच्या व्यावसायिक आयुष्याबरोबरच त्यांचे वैयक्तिक आयुष्यही चर्चेत असते. लोकांना त्यांच्याविषयी जाणून घेण्याची विशेष उत्सुकता असते. दरम्यान या शोमधील शार्क अनुपम मित्तल यांनी त्यांच्या चाहत्यांना एक काळजीत टाकणारी एक बातमी दिली आहे. अनुपण मित्तल हे पीपुल ग्रुपचे मालक असून ते शादी डॉट कॉम या लोकप्रिय लग्न जुळवणाऱ्या ऑनलाइन संस्थेचे संस्थापक आहेत. अनुपम सोशल मीडियावरही विशेष सक्रिय आहेत आणि त्यांचा चाहतावर्ग मोठा आहे. अलीकडेच त्यांनी सोशल मीडियावर अपडेट शेअर केले की त्यांची सर्जरी झाली आहे आणि एक नोट शेअर करत सुंदर संदेश दिला आहे.
अनुपम यांनी त्यांच्या इन्स्टाग्राम हँडलवर एक पोस्ट शेअर करत उलगडा केला की अलीकडेच त्यांची एक शस्त्रक्रिया झाली. त्यांनी एक व्हिडिओ शेअर केला असून त्यात ते हॉस्पिटलच्या बेडवर झोपलेले दिसत आहेत. तर त्यांचा हाताला सपोर्ट बँड बांधण्यात आला आहे. हा व्हिडिओ शेअर करताना अनुपम यांनी लिहिले की, 'ध्येय जेव्हा दूर होते तेव्हा आणखी जोमाने लढा'. अनुपम यांनी पुढे लिहिले की, 'वर्षानुवर्षे अधिक चांगल्या स्थितीत येण्यासाठी प्रयत्न करत आलो आहे, पण प्रत्येक वेळी जेव्हा तुम्ही एखाद्या गोष्टीच्या अगदी जवळ पोहोचलेले असता तेव्हा आयुष्य तुम्हाला पुन्हा त्याच आधीच्या ठिकाणी आणून ठेवते. अडथळे आणि नॉकआउट्सबद्दल आपण काही करू शकत नाही, पण आपण काय करू शकतो- पुन्हा एकदा उभं राहू शकतो.'
चाहत्यांनी केली प्रार्थना
अनुपम यांनी केलेल्या पोस्टवर त्यांच्या शेकडो चाहत्यांनी कमेंट करत त्यांच्या ठीक होण्यासाठी प्रार्थना केली आहे. त्यांच्या एका चाहत्याने लिहिले की, 'शार्क माणसांपेक्षा लवकर ठीक होतात. तुम्ही लवकर ठीक व्हाल आणि धावायलाही लागाल.' तर अनेकांनी त्यांना काळजी घेण्याचा सल्ला दिला आहे. चाहत्यांचं हे प्रेम पाहून अनुपम मित्तल यांनीही त्यांच्या या पोस्टवर कमेंट करत सर्वांचे आभार मानले आहेत.
अनुपम यांनी त्यांच्या इन्स्टाग्राम हँडलवर एक पोस्ट शेअर करत उलगडा केला की अलीकडेच त्यांची एक शस्त्रक्रिया झाली. त्यांनी एक व्हिडिओ शेअर केला असून त्यात ते हॉस्पिटलच्या बेडवर झोपलेले दिसत आहेत. तर त्यांचा हाताला सपोर्ट बँड बांधण्यात आला आहे. हा व्हिडिओ शेअर करताना अनुपम यांनी लिहिले की, 'ध्येय जेव्हा दूर होते तेव्हा आणखी जोमाने लढा'. अनुपम यांनी पुढे लिहिले की, 'वर्षानुवर्षे अधिक चांगल्या स्थितीत येण्यासाठी प्रयत्न करत आलो आहे, पण प्रत्येक वेळी जेव्हा तुम्ही एखाद्या गोष्टीच्या अगदी जवळ पोहोचलेले असता तेव्हा आयुष्य तुम्हाला पुन्हा त्याच आधीच्या ठिकाणी आणून ठेवते. अडथळे आणि नॉकआउट्सबद्दल आपण काही करू शकत नाही, पण आपण काय करू शकतो- पुन्हा एकदा उभं राहू शकतो.'
चाहत्यांनी केली प्रार्थना
अनुपम यांनी केलेल्या पोस्टवर त्यांच्या शेकडो चाहत्यांनी कमेंट करत त्यांच्या ठीक होण्यासाठी प्रार्थना केली आहे. त्यांच्या एका चाहत्याने लिहिले की, 'शार्क माणसांपेक्षा लवकर ठीक होतात. तुम्ही लवकर ठीक व्हाल आणि धावायलाही लागाल.' तर अनेकांनी त्यांना काळजी घेण्याचा सल्ला दिला आहे. चाहत्यांचं हे प्रेम पाहून अनुपम मित्तल यांनीही त्यांच्या या पोस्टवर कमेंट करत सर्वांचे आभार मानले आहेत.