श्रद्धा -आफताब हत्याकांडानंतर सोनाक्षी सिन्हा चर्चेत, काय आहे नेमकं कारण?

मुंबई: काही महिन्यांपूर्वी घडलेली घटना समोर आल्यानंतर देश हादरला आहे. आफताब अमीन पूनावाला (वय २८) या नराधमानं त्याच्यासोबत ‘लिव्ह-इन’मध्ये राहणाऱ्या श्रद्धा वालकर (वय २९) हिची १८ मे रोजी गळा दाबून हत्या केली. आपलं हे क्रौर्य उघडकीस येऊ नये म्हणून त्यानं थंड डोक्यानं तिच्या मृतदेहाचे ३५ तुकडे केले आणि ते दिल्लीतील जंगल परिसरात विविध ठिकाणी फेकले.


या घटनेची भयावह पार्श्वभूमी समोर आल्यानंतर देशभरात खळबळ उडाली आहे. डोकं सुन्न करणाऱ्या या घटनेवर देशभरातून प्रतिक्रिया उमटत आहेत. काहींनी या घटनेला धार्मिक रंग देत ‘लव्ह जिहाद’ चं प्रकरण म्हटलंय. या प्रकरणानंतर अभिनेत्री सोनाक्षी सिन्हा नेटकऱ्यांच्या निशाण्यावर आली आहे.

सोनाक्षी सिन्हाला सध्या सोशल मीडियावर ट्रोल करण्यात येत आहे. त्याचं कारण म्हणजे, गेल्या काही महिन्यांपासून सोनाक्षी जहीर इकबाल याला डेट करत असल्याचं म्हटलं जात आहे. नेमकं हेच कारण समोर ठेवून नेटकऱ्यांनी सोनाक्षीवर निशाणा साधला आहे. काही हिंदू धर्माचा प्रसार करणाऱ्या पेजेवर सोनाक्षीबद्दल पोस्ट शेअर करण्यात आल्या आहेत.

बाप: शत्रुघ्न सिन्हा, काका: राम, लक्ष्मण, भाऊ: लव , कुश, घराचं नाव: रामायण आणि हिच्या घरात वरात घेऊन कोण येणार तक जहीर इकबाल...अशा पोस्ट सध्या सोशल मीडियावर व्हायरल झाल्या आहेत.


अशा पोस्ट शेअर केल्यानंतर सोनाक्षीच्या चाहत्यांनी हे चुकीचं असल्याचं म्हणत, अशा पोस्ट शेअर करणाऱ्यांना सुनावलं आहे.


दरम्यान, सोनाक्षी सिन्हा आणि जहीर इक्बाल Double XL सिनेमात एकत्र दिसले आहेत. त्यात हुमा कुरेशीही आहे. जहीरनं सलमान खानच्या द नोटबुक सिनेमातून बाॅलिवूड पदार्पण केलं होतं. मागे एकदा सोनाक्षीनं मुलाखतीत सांगितलं होतं की, ती २० वर्षांची होती, तेव्हा रिलेशनशिपमध्ये होती. नंतर ५ वर्षांनी ब्रेकअप झालं.