सिद्धार्थ जाधव पुन्हा रोहित शेट्टीच्या चित्रपटात; दिसणार खास भूमिकेत

मुंबई: रोहित शेट्टी दिग्दर्शित 'सूर्यवंशी' हा बहुप्रतीक्षित सिनेमा लवकरच प्रेक्षकांच्या भेटीला येणार आहे. सिनेमात अक्षयकुमार प्रमुख भूमिकेत आहेच. त्याला साथ देण्यासाठी बॉलिवूडचा सिंघम अजय देवगण आणि सिम्बा रणवीरसिंग हेसुद्धा आहेत. आणखी एक खूशखबर म्हणजे सिम्बाचा साथीदार संतोष तावडे, अर्थात आपला लाडका अभिनेता सिद्धार्थ जाधवदेखील 'सूर्यवंशी' सिनेमात झळकणार आहे.

रणवीरच्या 'सिंबा' या चित्रपटातही सिद्धार्थनं पोलिसाची भूमिका साकारली होती. सिद्धूचे चाहते पुन्हा एकदा त्याला खाकी वर्दीत पाहणार आहेत. ‘सूर्यवंशी’ या चित्रपटात अक्षय कुमार एटीएस प्रमुखाच्या भूमिकेत दिसणार आहे. तसंच कतरिना कैफ देखील या चित्रपटात मुख्य भूमिकेत दिसणार आहे. ‘सूर्यवंशी’च्या टीझरमध्ये अजय देवगण आणि रणवीर सिंह हे दोघंही दिसले होते. तसंच गुलशन ग्रोवर, अभिमन्यु सिंह, जॅकी श्रॉफ आणि विवियन भटेना यांच्या देखील चित्रपटात मुख्य भूमिका आहेत.

...म्हणून कतरिनाचे चाहते रोहित शेट्टीवर भडकले

येत्या २४ तारखेला हा चित्रपट प्रदर्शित होणार असून चित्रपटाच्या ट्रेलर लॉन्चचा सोहळा दिमाखात पाडला. ट्रेलर लॉन्चसाठी चित्रपटातील कलाकारांनी हजेरी लावली. या ट्रेलर सोहळ्याचा मुख्य आकर्षण होता अर्थातच अक्षय कुमार. अक्षयची धमाकेदार अशी एन्ट्री झाली. बाईक वरून एन्ट्री करत अक्षयनं सर्वांचंच लक्ष वेधून घेतलं.
खिलाडी अक्षय कुमारच्या ‘सूर्यवंशी’चा ट्रेलर