मुंबई: सिद्धू मूसेवाला हत्या (Sidhu Moosewala Murder Case) प्रकरणात नवीन धक्कादायक अपडेट समोर आले आहे. नवीन अपडेट जे समोर आले आहे, त्याचे थेट सुशांतसिंह राजपूतशी कनेक्शन (Sushant Singh Rajput) आहे. मूसेवाला प्रकरणात अटक झालेला सौरभ महाकाळ उर्फ सिद्धेश कांबळे याने पुणे पोलिसांना एक धक्कादायक माहिती दिली आहे.
सिद्धू मूसेवाला हत्या प्रकरणाशिवाय सलमान खानला (Threat to Salman Khan and Salim Khan) मिळालेल्या धमकीची चौकशी करतान सौरभने (Saurabh Mahakal) याविषयी जबाब नोंदवला आहे. त्याच्या जबाबानुसार बॉलिवूड फिल्ममेकर करण जोहरकडूनही (Karan Johar was on Bishnoi Gang Hitlist) ५ कोटी रुपयांची खंडणी वसूल करण्याची योजना आखली होती.
पुणे पोलिसांनी याविषयी जबाब नोंदवला आहे. एक वृत्तवाहिनीच्या वृत्तानुसार, बिश्नोई गँग आणि सौरभ महाकाळच्या हिटलिस्टवर सलमान खान पाठोपाठ करण जोहरही होता. यामध्ये आश्चर्यकारक बाब म्हणजे करण जोहर या हिटलिस्टवर असण्यामागे कारण सुशांतसिंह राजपूतचा मृत्यू होता.
हे वाचा-‘आफ्टर ऑपरेशन लंडन कॅफे’चं पोस्टर प्रदर्शित, अनेक भाषांमध्ये सिनेमा होणार रिलीज
सुशांतसिंह राजपूतचे काय कनेक्शन?
सौरभने पुणे पोलिसांना दिलेल्या माहितीनुसार, बिश्नोई गँगच्या मते सुशांतसिह राजपूतच्या मृत्यूला करण जोहर जबाबदार होता. त्यामुळे त्यांच्या टारगेटवर करण जोहर होता. करण जोहरला धमकी देऊन त्याच्याकडून ५ कोटी रुपये उकळण्यात येणार होते. त्याने दिलेल्या माहितीनुसार तो विक्रम ब्रारसाठी काम करत असे. त्यामुळे त्याला बिश्नोई गँगच्या हालचालींची माहिती असे. ब्रारशी तो सिग्नल अॅपच्या माध्यमातून जोडला गेला होता.
हे वाचा-यीशु मसीह गेले, इमाम मेहदी परत येणार नाहीत, अभिनेत्याच्या वक्तव्याने सारे हादरले
गायक सिद्धू मूसेवाला याच्यावर हल्ला करण्याकरता सचिन बिश्नोई गँगने महाराष्ट्रातून दोन शार्प शूटर बोलावले होते. संतोष जाधव आणि महाकाल नावाचे हे दोन शूटर होते. त्यातील संतोष जाधवची देखील या प्रकरणात चौकशी करण्यात आली आहे.
मूसेवाला हत्या प्रकरणात अटक झालेल्या संतोषने तो या कटात सहभागी नसल्याचे चौकशीत म्हटले आहे. संतोषच्या या माहितीमुळे आता तपासाला वेगळं वळण लागण्याची शक्यता आहे. हत्येच्या दिवशी आपण गुजरातमध्ये असल्याची माहिती संतोष जाधव याने चौकशीत सांगितल्याचं सूत्रांकडून माहिती मिळाली आहे. त्यामुळे संतोष जाधवच्या वक्तव्याची चौकशी करण्यासाठी पुण्याचे पथक गुजरात आणि मध्य प्रदेश येथे गेल्याची माहिती देखील समोर आली आहे. यापूर्वी देखील सौरभ महाकाळ याने मूसेवाला हत्या प्रकारणात सहभागी नसल्याचे सांगितले होते.