रेस्टॉरंटमधून बाहेर काढलं; गायिका अनन्या बिर्लाला अमेरिकेत वर्णभेदाचा फटका

मुंबई: अमेरिकेती एका इटालियन रेस्टरांटमध्ये भारतीय उद्योगपतीच्या कुटुंबाला वर्णभेदाचा फटका बसल्याचं समोर आलं आहे. देशातील प्रसिद्ध उद्योगपती कुमार मंगलम बिर्ला यांची कन्या आणि गायिका अनन्या बिर्ला हिनं ट्विट करत अमेरिकेतील एका रेस्टॉरंटमध्ये वर्णभेदी वागणूक मिळाल्याचा अनुभव शेअर केला आहे.

अनन्यानं (ScopaRestaurant) रेस्टॉरंटला चॅग करत ट्विट केलं आहे. स्कोपा इटॅलियन रूट्स या रेस्टॉरंटनं मला आणि माझ्या कुटुंबाला बाहेर काढलं.तीव्र वर्णभेदाचा हा अनुभव आला. यामुळं प्रचंड दु:ख झालं असून तुम्ही तुमच्या ग्राहकांसोबत असं वागणं योग्य नाही', असं तिनं म्हटलं आहे.


अनन्यानं आणखी एक ट्विट केलं आहे. रेस्टॉरंटमधील वेटरनं तिच्या आईसोबत हीन दर्जाचं आणि असभ्य वर्तन केलं. 'आम्ही तुमच्या रेस्टॉरंमध्ये खाण्यासाठी तीन तास वाट पाहिली. शेफ एंटोनियों तुमचा वेटर जोशुआ सिल्वरमॅनचं वर्तनं अतिशय असभ्य असं होतं. ही वर्णभेदी वागणूक होती. हे चुकीच आहे', असं तिनं तिच्या दुसऱ्या ट्विटमध्ये म्हटलं आहे.


मुलांसोबत आरती करत होता रितेश देशमुख, प्रेमाने पाहत होती जेनेलिया

कोण आहे अनन्या बिर्ला?अनन्या बिर्ला ही आदित्य बिर्ला समुहाचे चेअरमन कुमार मंगलम बिर्ला यांची मुलही आहे. ती गायिका देखील आहे. २०१६ मध्ये अनन्याचं पहिलं गाणं 'लिव्हइन द लाइफ' हे प्रदर्शित झालं होतं. या गाण्यानंतर यूनिवर्सल म्यूजिक इंडियानं तिला गायक म्हणून साइन केलं होतं. इतकंच नव्हे तर अनन्या ई-कॉमर्स कंपनी क्यूरोकार्ट संस्थापक देखील आहे.