आणखी एका साऊथ स्टारचा दिलदारपणा, व्हॅनिटीमध्ये साजरा केला बॉडीगार्डचा वाढदिवस

मुंबई: दाक्षिणात्य सिनेमातील कलाकार त्यांच्या नम्रपणासाठी ओळखले जातात. त्यांचे चाहत्यांसोबतचे वर्तन अनेकदा सोशल मीडियावर चर्चेत येते. चाहते त्यांच्या अशा वागण्याचे भरभरून कौतुकही करताना. आता अभिनेता विजय देवरकोंडावर कौतुकाचा वर्षाव होतो आहे. कारणही तसंच आहे, विजयने त्याच्या व्हॅनिटीमध्ये त्याच्या बॉडीगार्डचा वाढदिवस साजरा केल्याने त्याच्यावर कौतुकाचा वर्षाव होतो आहे. विजय त्याच्या बॉडीगार्डचा वाढदिवस साजरा करतानाचे फोटो आणि व्हिडिओ सध्या सोशल मीडियावर व्हायरल होत आहेत.

हे वाचा-फोटोतील लोकप्रिय अभिनेत्याला ओळखलं का? केलंय सलमान खानच्या एक्सशी लग्न

या फोटोमध्ये विजय त्याच्या बॉडीगार्डच्या वाढदिवसाच्या सेलिब्रेशनमध्ये सहभागी झाल्याचे दिसते आहे. त्याने व्हॅनिटीमध्येच हे सेलिब्रेशन केले. सोशल मीडियावर विजयचे व्हायरल होणारे फोटो त्याच्यावर कौतुकाचा वर्षाव करत आहेत.


विजयला म्हटलं निर्मळ मनाचा

विजयचे कौतुक करताना एका युजरने त्याला 'निर्मळ मनाचा' म्हटले आहे. सोशल मीडियावर शेअर करण्यात आलेल्या एका व्हिडिओमध्ये असे म्हटले आहे की त्याच्या या बॉडीगार्डचे नाव रवी आहे. त्याचं असं वागणं पाहून एका युजरने म्हटलं आहे की, 'आमचा राऊडी स्विटहार्ट आहे'. त्याची दिलदार वृत्ती चाहत्यांना भलतीच आवडली आहे. दरम्यान ही पहिलीच वेळ नव्हे की चाहते विजयचं कौतुक करत आहेत. 'लायगर' सिनेमाच्या प्रमोशनवेळीही त्याच्या छोट्या छोट्या कृतींमुळे विजयने चाहत्यांना आपलेसे केले होते.


वर्कफ्रंटबद्दल बोलायचे झाल्यास विजय देवरकोंडा अभिनेत्री सामंथा रुथ प्रभूसह 'खुशी' सिनेमात दिसणार आहे. येत्या २३ डिसेंबर रोजी हा विजय-सामंथाचा खुशी प्रदर्शित होणार आहे. हा सिनेमा तेलुगू, तामिळ, कन्नड आणि मल्याळम अशा चार दाक्षिणात्य भाषांमध्ये प्रदर्शित होणार आहे. त्यामुळे ख्रिसमसदरम्यान विजय-सामंथाने दिलेली ही ट्रीट चाहते एन्जॉय करू शकतील.

हे वाचा-मुहूर्त ठरला! राणादा-अंजलीबाई या दिवशी चढणार बोहल्यावर

याआधी विजय अभिनेत्री अनन्या पांडे हिच्यासह 'लायगर' या पॅन इंडिया प्रोजेक्टमध्ये दिसलेला. या सिनेमाचे जोरदार प्रमोशन भारतातील विविध भागात करण्यात आले होते. मात्र सिनेमा बॉक्स ऑफिसवर सपशेल आपटला. लायगर सिनेमा हा विजयचा बॉलिवूड डेब्यू होता तर अनन्यासाठी साऊथ डेब्यू होता. सिनेमाचे कथानक, अभिनय, सवांद या सर्वच बाबींवर समीक्षक आणि प्रेक्षकांनी टीका केली होती. त्यामुळे आगामी 'खुशी' सिनेमाकडून विजयला विशेष अपेक्षा आहेत.