मुंबई: अभिनेता आणि कॉमेडियन सुनील ग्रोव्हर हा घराघरात पोहोचलेला चेहरा आहे. सिनेमा, वेब सीरिजमधील वेगवेगळ्या धाटणीच्या भूमिका असो किंवा कॉमेडी शोमधील त्याच्या धमाकेदार भूमिका असो... त्याने नेहमीच प्रेक्षकांचे मनोरंजन केले आहे. गुत्थी, रिंकू तसंच डॉक्टर मशहूर गुलाटी ही पात्र तर प्रेक्षकांच्या अतिशय आवडीची. आज प्रेक्षकांच्या अशा वेगवेगळ्या रुपात भेटीला येणाऱ्या सुनील ग्रोव्हरचा (Sunil Grover Birthday) वाढदिवस आहे. सुनील ०३ ऑगस्ट रोजी ४५ वा वाढदिवस साजरा करत आहे.
आज यशाच्या शिखरावर असणाऱ्या सुनीलचा इथपर्यंतचा प्रवास सोपा नव्हता. हरयाणामधील डबवाली गावात त्याचा जन्म झाला, शालेय आणि महाविद्यालयीन शिक्षण त्याने तिथेच पूर्ण केले. पंजाब विद्यापीठातून त्याने पदव्युत्तर शिक्षण घेतले असून अभिनयक्षेत्रात नाव कमावण्यासाठी तो मुंबईत येऊन पोहोचला होता. हे वाचा-खासदार संजय राऊतांच्या अटकेवर अखेर जया बच्चन बोलल्याच
५०० रुपये पगाराचीही केली नोकरी
एका मुलाखतीत सुनीलने सांगितले होते की मुंबईत आल्यानंतर सुरुवातीला त्याच्याकडे नोकरी नव्हती. पैसे कमावण्यासाठी त्याला बरेच कष्ट घ्यावे लागले होते. कालांतराने एक नोकरी मिळाली ज्यात पगार ५०० रुपये होता. त्याने बँकेतही काम केलंय. त्यानंतर त्याला रेडिओमध्ये काम करण्याची संधी मिळाली. कॉमेडी सीरिज 'हसी के फव्वारे'मध्ये त्याने केलेलं काम विशेष लोकप्रिय झालं. सुनीलचा पहिला सिनेमा 'प्यार तो होना ही था' हा होता. त्यानंतर चाहत्यांना मिळाली त्यांची लाडकी गुत्थी! कॉमेडी नाइट्स विथ कपिलमधील त्याचं काम अक्षरश: प्रेक्षकांनी डोक्यावर उचलून धरलं. अनेकदा या कार्यक्रमात तो कपिलपेक्षाही भाव खाऊन गेला आहे.
एका वृत्तवाहिनीला दिलेल्या मुलाखतीमध्ये सुनील म्हणाला होता की, मुंबईत आल्यानंतर वर्षभरातच त्याच्याकडे असणारे सर्व पैसे संपले होते. जुहूसारख्या महाग ठिकाणी राहणं त्याला परवडण्यासारखं नव्हतं. अभिनेता असल्याने त्याला राहण्यासाठी जागाही मिळत नव्हती. पैसे नसल्यामुळे मुंबईत त्याला घरभाडं देणंही अवघड झालं होतं. आज हाच सुनील कोट्यवधींचा मालक आहे.
हे वाचा-आपल्यालाही नाटकं, सिनेमांवर बहिष्कार टाकण्याचं स्वातंत्र्य ...भाषणानंतर सुबोध भावे नेटकऱ्यांच्या निशाण्यावर
कोट्यवधी आहे नेटवर्थ
मीडिया रिपोर्ट्सनुसार सुनीलची नेटवर्थ जवळपास १८ कोटी आहे. मुंबईमध्ये त्याने २०१३ साली स्वत:चं असं घरही खरेदी केलं आहे. या घराची किंमत साधारण २.५ कोटी रुपये इतकी आहे. सुनीलच्या मानधनाबाबत बोलायचं झालं तर तो प्रत्येक सिनेमासाठी ५० लाख रुपये आकारत असल्याची माहिती मिळते आहे. तर टीव्हीवर त्याच्या शोसाठी तो प्रति एपिसोड १०-१५ लाख रुपये मानधन घेतो.
आज यशाच्या शिखरावर असणाऱ्या सुनीलचा इथपर्यंतचा प्रवास सोपा नव्हता. हरयाणामधील डबवाली गावात त्याचा जन्म झाला, शालेय आणि महाविद्यालयीन शिक्षण त्याने तिथेच पूर्ण केले. पंजाब विद्यापीठातून त्याने पदव्युत्तर शिक्षण घेतले असून अभिनयक्षेत्रात नाव कमावण्यासाठी तो मुंबईत येऊन पोहोचला होता.
५०० रुपये पगाराचीही केली नोकरी
एका मुलाखतीत सुनीलने सांगितले होते की मुंबईत आल्यानंतर सुरुवातीला त्याच्याकडे नोकरी नव्हती. पैसे कमावण्यासाठी त्याला बरेच कष्ट घ्यावे लागले होते. कालांतराने एक नोकरी मिळाली ज्यात पगार ५०० रुपये होता. त्याने बँकेतही काम केलंय. त्यानंतर त्याला रेडिओमध्ये काम करण्याची संधी मिळाली. कॉमेडी सीरिज 'हसी के फव्वारे'मध्ये त्याने केलेलं काम विशेष लोकप्रिय झालं. सुनीलचा पहिला सिनेमा 'प्यार तो होना ही था' हा होता. त्यानंतर चाहत्यांना मिळाली त्यांची लाडकी गुत्थी! कॉमेडी नाइट्स विथ कपिलमधील त्याचं काम अक्षरश: प्रेक्षकांनी डोक्यावर उचलून धरलं. अनेकदा या कार्यक्रमात तो कपिलपेक्षाही भाव खाऊन गेला आहे.
एका वृत्तवाहिनीला दिलेल्या मुलाखतीमध्ये सुनील म्हणाला होता की, मुंबईत आल्यानंतर वर्षभरातच त्याच्याकडे असणारे सर्व पैसे संपले होते. जुहूसारख्या महाग ठिकाणी राहणं त्याला परवडण्यासारखं नव्हतं. अभिनेता असल्याने त्याला राहण्यासाठी जागाही मिळत नव्हती. पैसे नसल्यामुळे मुंबईत त्याला घरभाडं देणंही अवघड झालं होतं. आज हाच सुनील कोट्यवधींचा मालक आहे.
हे वाचा-आपल्यालाही नाटकं, सिनेमांवर बहिष्कार टाकण्याचं स्वातंत्र्य ...भाषणानंतर सुबोध भावे नेटकऱ्यांच्या निशाण्यावर
कोट्यवधी आहे नेटवर्थ
मीडिया रिपोर्ट्सनुसार सुनीलची नेटवर्थ जवळपास १८ कोटी आहे. मुंबईमध्ये त्याने २०१३ साली स्वत:चं असं घरही खरेदी केलं आहे. या घराची किंमत साधारण २.५ कोटी रुपये इतकी आहे. सुनीलच्या मानधनाबाबत बोलायचं झालं तर तो प्रत्येक सिनेमासाठी ५० लाख रुपये आकारत असल्याची माहिती मिळते आहे. तर टीव्हीवर त्याच्या शोसाठी तो प्रति एपिसोड १०-१५ लाख रुपये मानधन घेतो.