Sunny Leone Shooting For Vikram Bhatt's 'anamika' Video Viral On Social Media
सनी लिओनी पुन्हा चर्चेत; या सीरिजमधून येणार प्रेक्षकांच्या भेटीला
सनी लिओनी लवकरच वेबसीरीजमध्ये दिसणार आहे. ‘अनामिका’ असं या सीरीजचं नाव आहे. सुट्ट्या संपवून सनीनं या सीरीजच्या कामाला सुरुवात केल्याचं कळतंय. तिचा तमीळ चित्रपटातलं लूकही चर्चेत आहे.
महाराष्ट्र टाइम्स.कॉम11 Nov 2021, 3:18 pm
मुंबई:सनी लिओनीची सोशल मीडियावरची पोस्ट असो, तिची गाणी असोत किंवा आगामी चित्रपट, त्याची चर्चा झाली नाही असं कधीच होत नाही. सलग काही वर्षे सर्वाधिक गुगल सर्च झालेली सनी सोशल मीडियाच्या माध्यमातून चाहत्यांशी संवाद साधत असते. नुकताच तिचा एक व्हिडिओ व्हायरल झाला, ज्यात ती तिच्या कुटुंबासह सुट्टी संपवून परतल्याचं दिसतंय.
एअरपोर्टवर पापाराझ्झींनी फोटोंसाठी गराडा घालताच सनीनं त्यांना फोटो काढू दिले आणि तिच्या मुलांनी सर्वांना ‘नमस्ते’ म्हटल्याचंही दिसतंय. तिच्या या व्हिडिओवर चाहत्यांच्या प्रतिक्रिया येत असतानाच सनी आता सीरीजमध्ये काम करत असल्याची बातमी आली. ‘अनामिका’ असं या सीरीजचं नाव आहे. त्यावरून सनी सध्या चर्चेत आहे.
View this post on Instagram A post shared by Zoom TV (@zoomtv)
या चर्चेचं कारण असं, की ‘फाइंडिंग अनामिका’ ही नेटफ्लिक्स आणि करण जोहरच्या निर्मितीसंस्थेची सीरीजही प्रदर्शनासाठी तयार आहे. यातून प्रसिद्ध अभिनेत्री माधुरी दीक्षित सीरीजविश्वात पदार्पण करत आहे. ही सीरीज लवकरच प्रदर्शित होणार असल्याचं कळतंय.
View this post on Instagram A post shared by Sunny Leone (@sunnyleone)
काही दिवसांपूर्वी विक्रम भट यांनी त्यांच्या आगामी सीरीजचं काम सुरू केल्याची बातमी आली. त्यात सनी काम करत असल्याचं नंतर जाहीर झालं आणि आता या सीरीजचं नाव ‘अनामिका’ असल्याचं समोर आलं. त्यामुळेच या सीरीजबद्दल सनीच्या चाहत्यांनाही उत्सुकता आहे. या सीरीजसाठी सनीनंही चित्रीकरण सुरू केलं आहे. यातल्या तिच्या भूमिकेचे तपशील अद्याप समोर आलेले नाहीत. इंडस्ट्रीतल्या अनेक निर्मितीसंस्थांनी सनीचा विचार फक्त ‘आयटम साँग्स’पुरता केलेला असला, तरी दाक्षिणात्य इंडस्ट्रीनं तिला बिग बजेट चित्रपटांत भूमिका देऊ केल्या आहेत. आगामी काळात ती तीन दाक्षिणात्य चित्रपटांमध्ये झळकणार असल्याचं कळतंय. त्यातल्या ‘विरम्मादेवी’ या तमिळ चित्रपटाचं काम तिनं संपवलं असून ‘शेरू’ आणि आणखी एका नाव न ठरलेल्या चित्रपटाचं काम तिनं सुरू केलं आहे.
We use cookies and other tracking technologies to provide services in line with the preferences you reveal while browsing the Website to show personalize content and targeted ads, analyze site traffic, and understand where our audience is coming from in order to improve your browsing experience on our Website. By continuing to browse this Website, you consent to the use of these cookies. If you wish to object such processing, please read the instructions described in our privacy policy/cookie policy.