मुंबई: अभिनेता सुशांत सिंह राजपूत याच्या आत्महत्या प्रकरणाला नवं वळण येताना दिसत आहे. सुशांतच्या वडिलांनी सुशांतची गर्लफ्रेंड रिया चक्रवर्की हिच्या विरोधात तक्रार दाखल केली आहे.
सुशांतच्या वडिलांनी रियावर सुशांतला पैशांसाठी फसवून त्याला आत्महत्येसाठी प्रवृत्त केल्याचा आपोप केला आहे. सुशांतच्या वडिलांनी पटणातील राजीवनगर पोलिस ठाण्यात ही तक्रार दाखल केल्याची माहिती असून पटणाहून चार पोलिस या प्रकरणाचा तपास करण्यासाठी मुंबईत दाखल झाल्याची माहिती आहे.
सुशांतच्या आत्महत्येला रिया जबाबदार असल्याचं त्याच्या चाहत्यांनी देखील म्हटलं होतं. सोशल मीडियावरही तिच्यावर टीका होत होती. सुशांत आणि रियानं कधीही त्यांचं नातं उघपण सांगितलं नव्हतं. त्याच्या आत्महत्येनंतर रियानं गर्लफ्रेंड असल्याचं म्हटलं आहे. त्यामुळं तिच्यावर आणखी निशाणा साधला जात आहे. सुशांतला खरी गरज असताना रिया त्याला सोडून गेल्याचाही राग चाहत्यांच्या मनात आहे. तर तिनं केवळ सुशांतला पैशांसाठी वापरलं असंही अनेकजण म्हणत आहेत.
'दिशा नसली तरी आमचं काही अडत नाही; दयाबेन नसतानाही मालिका सुरुच आहे'
नोंदवला गेला रियाचा जबाब
रिया अनेक दिवस सुशांतच्याच घरी राहत होती. सुशांतने आत्महत्या करण्याच्या काही दिवसआधी तिनं सुशांतचं घर सोडलं होतं. सुशांतनंच तिला घरातून निघायला सांगितलं होतं. सुशांतच्या हत्येनंतरचाही रियाचा जबाब मुंबई पोलिसांनी नोंदवून घेतला आहे. जवळपास ११ तास पोलिसांनी तिची चौकशी केली.
रियानं केली सीबीआय चौकशीची मागणी
रियानं इन्स्टाग्रामवर एक पोस्ट शेअर करत सीबीआय चौकशीची मागणी केली आहे. अमित शहा सर, मी सुशांतची गर्लफ्रेंड. सुशांतच्या अकस्मात निधनाला आता एक महिना होऊन गेलाय. माझा सरकारवर पूर्ण विश्वास आहे. सुशांतला न्याय मिळावा यासाठी हात जोडून विनंती करते की, या प्रकरणाची सीबीआय द्वारे तपास करण्यात यावा. मला फक्त एकच गोष्ट जाणून घ्यायची आहे ती म्हणजे सुशांतवर अशा कोणत्या प्रकारचा दबाव होता ज्यामुळं त्यानं इतकं टोकाचं पाऊल उचललं आहे', असं रियानं तिच्या पोस्टमध्ये म्हटलं आहे.
एक पाऊल पुढे; नोकरी गमावलेल्या महिला इंजीनियरला सोनू सूदनं दिली नोकरी