'तुला बघतो तेव्हा लग्न करण्याचा विचार डोक्यातून काढून टाकतो'

मुंबई: बॉलिवूड अभिनेत्री स्वरा भास्कर सोशल मीडियावर ट्रोल होणं यात काही नवं नाही. राजकीय आणि परखड मत व्यक्त करण्यासाठी स्वरा प्रसिद्ध आहे. अनेकदा विनाकारण ती ट्रोल झाली आहे. नुकतंच एका ट्विटर युजरनं तिला ट्रोल करण्याचा प्रयत्न केला. परंतु तिनं असं काही उत्तर दिलं की त्याची बोलतीच बंद केली आहे.

प्रदीप श्रीनिवास या ट्विटर यूजरनं स्वराला ट्रोल करण्यासाठी एक ट्विट केलं होतं 'मी जेव्हा ही तुझा चेहरा पाहतो किंवा तुझा आवाज ऐकतो तेव्हा लग्न करण्याचा विचार मनातून काढून टाकतो; त्यानंतर लग्न करण्याचा विचारही माझ्या डोक्यात येत नाही’ असं त्यानं त्याच्या ट्विटमध्ये म्हटलं आहे. प्रदीपच्या या ट्विटवर स्वरानं उत्तर देताना त्याचीच शाळा घेतली. 'चांगली कल्पना आहे; आपण भविष्यात मिळणाऱ्या अनेक नकारांपासून तू स्वत: ला वाचवले पाहिजेस' असं तिनं त्या सुनावलं आहे. स्वराला विनाकराण ट्रोल करण्यात आल्याची ही काही पहिलीच वेळ नाहीए. काही दिवसांपूर्वी स्वराला नेटकऱ्यांनी रामायणातील मंथरा असं म्हटलं होतं.
टीकाकारांना अभिनेत्री स्वरा भास्करचं कामातून उत्तर

दरम्यान, लॉकडाउन सुरु होण्याआधी अभिनेत्री स्वरा भास्कर चित्रीकरणानिमित्त मुंबईत होती. तिचे कुटुंबीय दिल्लीत होते. तेवढ्यात लॉकडाउन सुरु झाल्यामुळं तिला मुंबईतच थांबावं लागलं. पण, काही दिवसांपूर्वी अशी एक घटना झाली, की स्वरानं स्वत: गाडी चालवत थेट दिल्ली गाठली. स्वराच्या आईच्या हाताला गंभीर दुखापत झाली होती. ते कळल्यावर आईला भेटण्यासाठी स्वरानं परवानगी घेऊन दिल्ली गाठली. स्वत: प्राणीप्रेमी असलेल्यानं स्वरा तिच्या पाच पाळीव प्राण्यांना सोबत घेऊन हा प्रवास केला.

नेटकरी म्हणतायत स्वरा भास्कर ही कलियुगातील मंथरा