'तारक मेहता का...' ची दयाबेन कॉलेज दिवसांमध्ये कशी दिसायची, जुना Photo Viral

मुंबई- 'तारक मेहता का उल्टा चष्मा' ही छोट्या पडद्यावरील अतिशय लोकप्रिय मालिकांपैकी एक आहे. गेल्या १३ वर्षांपासून या मालिकेने प्रेक्षकांचं मनोरंजन केलं. यातील प्रत्येक पात्र प्रेक्षकांच्या पसंतीस उतरलं. या मालिकेतील दयाबेनची भूमिका साकारणारी अभिनेत्री दिशा वकानी जरी ही मालिका सोडून गेली असली तरी अजूनही तिला कोणी विसरू शकलं नाही. अजूनही दिशा पुन्हा मालिकेत दिसावी अशी विनंती चाहते निर्मात्यांकडे करत असतात. दरम्यान दिशाचे काही जुने फोटो समोर आले आहेत.

तर अशी दिसते वामिका, विराटला पाहताना कॅमेऱ्यात झाली कैद

दिशाचे हे जुने फोटो सोशल मीडियावर व्हायरल होत आहेत. हे फोटो पाहून तुम्ही अंदाजही लावू शकत नाही की ही ती दिशा आहे जी 'तारक मेहता का उल्टा चष्मा' मालिकेत दयाबेनच्या भूमिकेत दिसली होती. सोशल मीडियावर व्हायरल होत असलेल्या या फोटोंमध्ये दिशा खूपच सुंदर आणि ग्लॅमरस दिसत आहे. दिशा वकानीचे हे फोटो तिच्या कॉलेजच्या काळातील असल्याचं बोललं जात आहे.


दिशाचा जन्म गुजरातमधील अहमदाबादमध्ये झाला आणि ती भावनगरमध्ये मोठी झाली. दिशा तिच्या शालेय दिवसांपासून अभिनय करत आहे. त्याचवेळी दिशानं अहमदाबादमधील कॉलेजमधून अभिनयात ग्रॅज्युएशन पूर्ण केलं. त्यानंतर दिशाने गुजराती चित्रपटांमध्ये काम केलं. आज दिशाने मेहनतीने स्वतःची एक ओळख निर्माण केली. दिशा वकानी अनेक कार्यक्रमांमध्ये कोणत्याही प्रकारचा मानधन न घेता काम करायची.

Photos- बेडरूमपेक्षाही मोठं आहे मलायका अरोराचं वॉर्डरोब

याआधी ही दिशाचा एक फोटो सोशल मीडियावर व्हायरल झाला होता. या फोटोत दिशाचा नो मेकअप लूक होता आणि मुलीला कडेवर घेऊन उभी होती. मुलीच्या संगोपनासाठी दिशाने 'तारक मेहता का उल्टा चष्मा' मालिकेतून ब्रेक घेतला होता. पण त्यानंतरही ती मालिकेत परतलीच नाही. सुमारे तीन वर्षांपासून दयाबेन शोमधून गायब आहे. लॉकडाउननंतर दयाबेन पुन्हा गोकुलधाममध्ये परतणार असं सांगितलं जात होतं. पण सर्वच चर्चा या फक्त अफवा ठरल्या.


दरम्यान, दिशा वकानीने तिच्या करिअरची सुरूवात छोट्या पडद्यापासून नाही तर चित्रपटातून केली होती. १९९७ मध्ये दिशाने कॉमसिन या बी-ग्रेड चित्रपटातून पदार्पण केलं. त्याचबरोबर दिशा वकानी 'लव्ह स्टोरी', 'देवदास', 'मंगल पांडे', 'जोधा अकबर' यांसारख्या सुपरहिट चित्रपटांमध्येही दिसली आहे.