तारिक फतेह यांनी शेअर केला बुरख्यात नाचणाऱ्या महिलांचा व्हिडिओ, जावेद अख्तर म्हणाले..

नवी दिल्ली- गेल्या ४० दिवसांपासून शाहीन बाग येथे नागरिकत्त्व दुरूस्ती कायदा आणि राष्ट्रीय लोकसंख्या नोंदणीविरोधात आंदोलन सुरू आहे. यावर केंद्र सरकारने मौन बाळगलं असलं तरी विरोधी पक्ष हा मुद्दा वेळोवेळी वर काढत आहे. या सगळ्यात मुळचे पाकिस्तानी आणि काही काळाने कॅनेडात स्थायिक झालेले लेखक आणि प्रसिद्ध विचारक तारिक फतेह यांनी सोशल मीडियावर एक व्हिडिओ शेअर केला आहे. या व्हिडिओवरच जावेद अख्तर यांनी उत्तर दिलं आहे.

शनिवारी तारिक फतेह यांनी ट्विटर अकाउंटवर एक व्हिडिओ शेअर केला. यात अनेक लोक बुरखा घालून स्टेजवर नाचताना दिसत आहेत. या महिला आहेत की पुरुष हे ओळखणं कठीण होतं. यात एक महिला नटून- थटून बसली आहे. हा व्हिडिओ शेअर करत तारिक यांनी विचारलं की हा शाहीन बागमधला तर व्हिडिओ नाही ना..


आमिरसाठी अक्षयने बदलली सिनेमाची तारीख!

तारिक फतह यांच्या या ट्वीटनंतर प्रसिद्ध गीतकार जावेद अख्तर यांनी कमेन्ट करत म्हटलं की, 'हे ओळखण्यासाठी शेरलॉक होम्सची गरज नाही. हे रेकॉर्डिंग एका लग्न समारंभातलं आहे. तसेच हा व्हिडिओ सुमारे १८ महिने जुना आहे. तुम्ही महिला विरोधकांशी असहमत असू शकता पण त्यांचा अपमान करणं योग्य नाही.' काही दिवसांपूर्वी तारिक फतेह यांनी एका मुलाखतीत नागरिकत्त्व दुरुस्ती कायद्याला विरोध करणारे हे फुटीरतावादी मानसिकतेचे आहेत. याला विरोध करणाऱ्या मुस्लिम महिलांनीआधी बुरख्यातून सुटका मागितली असती असं विधान केलं होतं.


सलमान अजूनही देऊ शकला नाही गरीबाची उधारी

काही दिवसांपूर्वी जावेद अख्तर यांची पत्नी आणि अभिनेत्री शबाना आझमी यांच्या गाडीचा अपघात झाला. यात त्या गंभीर जखमी झाल्या असून सध्या त्यांच्यावर कोकिलाबेन धीरूबाई अंबानी रुग्णालयात उपचार सुरू आहेत. जावेद अख्तर यांच्या वाढदिवसाच्या दुसऱ्याच दिवशी हा अपघात झाला होता.