तस्लिमा नसरीन यांनी सरोगसीबाबत केलेल्या ट्वीटवर दिलं स्पष्टीकरण, म्हणाल्या...

मुंबई- बॉलिवूड अभिनेत्री प्रियंका चोप्रा आणि निक जोनस यांनी त्यांच्या घरी नव्या पाहुण्याचं आगमन केलं. या जोडप्याने सरोगेसीच्या माध्यमातून बाळाला जन्म दिला. त्यानंतर चर्चित लेखिका तस्लिमा नसरीन यांनी सरोगेसीच्या मदतीने आई- बाबा होणाऱ्या सेलिब्रिटींवर निशाणा साधतं एका मागोमाग एक ट्वीट केले होते. तस्लिमा यांचे ट्वीट प्रियांकाच्या पोस्टनंतर आल्याने अनेकांना हे ट्वीट प्रियांकाला निशाणा साधतं केलं असं तिच्या चाहत्यांना वाटलं. आता लेखिकेने अजून एक ट्वीट करून याबाबत आपलं स्पष्टीकरण मांडलं आहे.

अक्षयने विकत घेतलं घर, स्टॅम्पड्युटीसाठी भरले ३९ लाख

तस्लिमा यांनी आणखी एक ट्वीट करत लिहिलं की, 'सरोगसीवरील ट्वीट माझ्या भिन्न मतांबद्दल आहे. प्रियांका- निकचा काहीही संबंध नाही. मला या दोघांची जोडी खूप आवडते. सरोगसीवरील माझ्या ट्वीटमुळे लोक मला शिवीगाळ करत आहेत. त्यांचा दावा आहे की बाळ होण्यासाठी गर्भ भाड्याने न देणं ही माझी पाषाणकालीन कल्पना आहे. माझं मतं आहे की, सरोगसीच्या माध्यमातून तुम्ही गरीब महिलांचं शारीरिक शोषण करु नका. तसंच तुम्ही अनाथ मुलांनाही दत्तक घेऊ शकता. याउलट सरोगसीच्या मदतीने मुल जन्माला घालणं हीच एक कालबाह्य विचारसरणी आहे.' असं लिहित तस्लिमा यांनी त्यांची बाजू स्पष्ट केली.



तस्लिमा नसरीन यांचं वादग्रस्त ट्वीट

तस्लिमा नसरीन यांनी ट्वीट करून लिहिलं की, 'श्रीमंत महिला सरोगेट आई होईपर्यंत मी सरोगसी स्वीकारू शकत नाही. जोपर्यंत पुरुष बुरखा घालत नाहीत तोपर्यंत मी तो स्वीकारणार नाही. तसंच जोपर्यंत पुरुष देहविक्री करत नाहीत तोपर्यंत मी देहविक्री स्वीकारणार नाही. सरोगसी, बुरखा किंवा देहविक्री या सर्वांनी केवळ महिला आणि गरीबांचं शोषण आहे.'



तस्लिमा नसरीन यांनी आणखी एका ट्वीटमध्ये लिहिलं की, 'सरोगसी केवळ गरीब महिलांमुळेच शक्य आहे. यामुळेच श्रीमंत वर्गाला समाजातील गरिबी कायम ठेवायची आहे. जर तुम्हाला बाळ हवं असेल तर अनाथ मुल दत्तक घ्या. आपले संस्कार वंशाच्या मुलांनाच मिळायला हवेत हा अत्यंत स्वार्थी विचार आहे.' पुढे त्या म्हणाल्या की, सरोगसीच्या माध्यमातून रेडिमेड बाळांच्या आई होणाऱ्या महिलांना आई झाल्याची अनुभूती कशी येणार? मुलाला जन्म देताना जशी भावना असते तशीच भावना त्यांनाही असेल का?'

सलमानसारखे १०० लोक मी दारावर उभे करीन - अभिजीत बिचुकले



प्रियांका आणि निकने दिली गुड न्यूज

प्रियांका चोप्रा आणि निक जोनस यांनी शुक्रवारी त्यांच्या इन्स्टाग्रामवर पोस्ट शेअर करत ते आई- बाबा झाल्याची गोड बातमी दिली. दोघांनी लिहिलं की, 'आम्ही सरोगसीच्या मदतीने बाळाचं स्वागतं केलं आहे आणि ही बातमी देताना आम्हाला खूप आनंद होतं आहे. याक्षणी आम्ही आदरपूर्वक गोपनीयतेची विनंती करतो जेणेकरून आम्ही आमच्या कुटुंबावर लक्ष केंद्रित करू शकू. खूप खूप धन्यवाद.'

दरम्यान हाती आलेल्या माहितीनुसार बाळासोबत वेळ घालवण्यासाठी प्रियांकाने फरहान अख्तर दिग्दर्शित 'जिले जरा' चित्रपटातून माघार घेतली आहे. यात प्रियांका चोप्रा सोबत आलिया भट्ट, कतरिना कैफ प्रमुख भूमिकेत दिसणार आहेत.