Bold Actress Marathi - तेजस्विनी, प्राजक्ताच नाही तर याही मराठी अभिनेत्रींचा दिसलाय बोल्ड अंदाज

मुंबई- मराठी अभिनेत्री जेव्हा जेव्हा मोठ्या किंवा छोट्या पडद्यावर दिसल्या तेव्हा त्या साड्यांमध्ये किंवा पारंपरिक पोशाखातच दिसल्या आहेत. परंतु बदलत्या काळानुसार अभिनेत्रींनी त्यांच्या दिसण्यात आणि पारंपरिक भूमिकांची चौकटीबाहेर पडत काही बदल घडवून आणले आहेत. आताच्या अभिनेत्रींनी या भूमिकांबाबत अत्यंत चोखंदळ आणि कामाबाबत फोकस्ड आहेत. त्यामुळे भूमिकेची आणि कथनकाची गरज असेल तर त्या बोल्ड अंदाजातही दिसतात. तेजस्विनी पंडित, प्राजक्ता माळी आणि इतर अनेक अभिनेत्रींनी काम करताना अभिनयाच्या पारंपरिक चौकटी तोडत वेगळे मापदंड आखले आहेत.

'रानबाजार' ही वेब सीरिज अलिकडेच रिलीज झाली. वेब सीरिज रिलीज होण्याआधी त्याचे टिझर आणि ट्रेलर सोशल मीडियावर प्रसिद्ध झाले होते. त्यात प्राजक्ता माळी आणि तेजस्विनी पंडित यांचा अतिशय बोल्ड अंदाज दिसला होता. त्यांच्या या बोल्ड अंदाजामुळे त्यांच्यावर काहींनी टीका केली. परंतु कथानकाची गरज असल्यामुळे या गोष्टी केल्याचं सांगत दोन्ही अभिनेत्रींनी टीकाकारांना चोख उत्तर दिलं आहे. अर्थात मराठीमध्ये असा बोल्ड अंदाज दाखवणाऱ्या त्या पहिल्याच अभिनेत्री नाहीत. त्यांच्याही आधी काही अभिनेत्रींनी वेब सीरिजमध्ये काम करताना बोल्डपणा दाखवला आहे.


तेजस्विनी पंडित

मराठी मनोरंजन विश्वातील सर्वात बोल्ड अभिनेत्रींमध्ये तेजस्विनीचं नाव अग्रक्रमानं घेतलं जाते. अलिकडेच रिलीज झालेल्या रानबाजार या वेब सीरिजमध्ये तेजस्विनीचा बोल्ड लुक दिसला आहे. तिचा हा लुक पाहून तिचे चाहतेदेखील आश्चर्यचकित झाले. रानबाजारमधील या लुकमुळे तेजस्विनीला सोशल मीडियावर खूप ट्रोल करण्यात आले. परंतु हा माझ्या कामाचा भाग आहे, असं सांगत तिनं हे काम केलं. हे काम करताना तिला कुटुंबानं देखील खंबीर पाठिंबा दिला होता.


प्राजक्ता माळी

'रानबाजार' वेब सीरिजमध्ये प्राजक्ता माळी देखील अतिशय बोल्ड अंदाजामध्ये दिसली आहे. या वेब सीरिजमध्ये प्राजक्तानं देहविक्री करणाऱ्या महिलेची भूमिका साकारली आहे. प्राजक्ताची ही भूमिका पाहून तिच्या चाहत्यांनाही आश्चर्याचा मोठा धक्का बसला आहे. काहींनी तिला या भूमिकेवरून ट्रोल केलं आहे. परंतु प्राजक्तानं टीकाकारांना चोख उत्तर दिलं आहे. प्राजक्तानं सांगितलं की, मला काही तरी वेगळं करून बघायचं होतं. कथानकाची गरज म्हणून मी हे बोल्ड सीन केल्याचं प्राजक्तानं स्पष्टपणं सांगितलं आहे.


नयना मुके

'सेक्स, ड्रग्स और थिएटर' या वेब सीरिजसाठी अभिनेत्री नयना मुके हिनं अतिशय बोल्ड सीन केलं होते. या सीरिजमध्ये आदिश वैद्यबरोबर तिनं केलेले किसिंग सीन देखील खूपच गाजले होते. इतकंच नाही तर या सीरिजच्या कथानकाची गरज म्हणून नयनानं काही न्यूड सीन देखील दिले होते.


अनुजा साठे

मराठी फिल्म आणि टेलिव्हिजनमध्ये अनुजा साठे ही लोकप्रिय अभिनेत्री आहे. 'एक थी बेगम' या वेब सीरिजमध्ये अनुजा एका वेगळ्याच अंदाजात दिसली होती. या सीरिजमध्ये तिनं काही बोल्ड सीन देखील दिले होते.


प्रिया बापट

अभिनेत्री प्रिया बापट ही हरहुन्नरी अभिनेत्री म्हणून ओळखली जाते. 'सिटी ऑफ ड्रीम्स' या वेब सीरिजमध्ये तिनं फ्लोरा सयानीबरोबर किसींग सीन दिला होता. त्यावरून सोशल मीडियावर प्रियाला खूपच ट्रोल करण्यात आलं होतं.