मुंबई: जेव्हापासून 'दगडी चाळ २'ची घोषणा करण्यात आली तेव्हापासूनच या चित्रपटाविषयी उत्सुकता होती. त्यानंतर उत्सुकता होती, ती या चित्रपटात कोणाची वर्णी लागणार याची. अखेर हे गुपितही उलगडलं. मकरंद देशपांडे, अंकुश चौधरी आणि पूजा सावंत हेच त्रिकूट पुन्हा 'दगडी चाळ २' मध्ये दिसणार असून या चित्रपटाचा ट्रेलरही आता प्रेक्षकांच्या समोर आला आहे.
२०१५ मध्ये आलेल्या ‘दगडी चाळ’या चित्रपटाचा विषय गँगवॉर होता आणि यातूनच दोन मनांची हळुवार जुळणारी लव्हस्टोरीही दाखवली होती. चित्रपटाचा आशय, संवाद, अॅक्शन आणि गाणी सर्व काही प्रेक्षकांच्या पसंतीस आलं होतं. ‘चुकीला माफी नाही’ हा मकरंद देशपांडेचा तर अंकुशचा 'ए ब्युटीफूल' हा डायलॉग विशेष गाजला होता.
'दगडी चाळ २'मध्ये प्रेक्षकांना सूर्या आणि डॅडी यांच्यातील एक वेगळं नातं पाहायला मिळणार आहे. एकेकाळी डॅडींचा उजवा हात असणारा सूर्या आता त्याच्या कुटुंबासोबत गॅंगवॉरच्या विळख्यातून बाहेर पडून एक साधं सोप्पं आयुष्य जगताना दिसत आहे. मात्र डॅडी आणि सूर्या यांच्यात असं काही घडलं आहे, ज्यानं सूर्या डॅडींचा तिरस्कार करू लागला आहे. आता त्यांच्यात नेमके काय घडले आहे, त्यांच्या नात्यात कडवटपणा का आला आहे, हे चित्रपट पाहिल्यावरच कळेल.
दगडी चाळच्या दुसऱ्या भागाची कथा काय आहे? नवीन काय पाहायला मिळणार, याकडं आता सर्वांचे लक्ष लागून राहिलं आहे. ‘डॅडीं’ची मुलगी योगिता गवळी सहनिर्मितीची धुरा, तर निर्मिती पुन्हा एकदा संगीता अहिरच सांभाळत आहेत. ‘दगडी चाळ २’चे दिग्दर्शन चंद्रकांत कणसे यांनी केलंय.
२०१५ मध्ये आलेल्या ‘दगडी चाळ’या चित्रपटाचा विषय गँगवॉर होता आणि यातूनच दोन मनांची हळुवार जुळणारी लव्हस्टोरीही दाखवली होती. चित्रपटाचा आशय, संवाद, अॅक्शन आणि गाणी सर्व काही प्रेक्षकांच्या पसंतीस आलं होतं. ‘चुकीला माफी नाही’ हा मकरंद देशपांडेचा तर अंकुशचा 'ए ब्युटीफूल' हा डायलॉग विशेष गाजला होता.
'दगडी चाळ २'मध्ये प्रेक्षकांना सूर्या आणि डॅडी यांच्यातील एक वेगळं नातं पाहायला मिळणार आहे. एकेकाळी डॅडींचा उजवा हात असणारा सूर्या आता त्याच्या कुटुंबासोबत गॅंगवॉरच्या विळख्यातून बाहेर पडून एक साधं सोप्पं आयुष्य जगताना दिसत आहे. मात्र डॅडी आणि सूर्या यांच्यात असं काही घडलं आहे, ज्यानं सूर्या डॅडींचा तिरस्कार करू लागला आहे. आता त्यांच्यात नेमके काय घडले आहे, त्यांच्या नात्यात कडवटपणा का आला आहे, हे चित्रपट पाहिल्यावरच कळेल.
दगडी चाळच्या दुसऱ्या भागाची कथा काय आहे? नवीन काय पाहायला मिळणार, याकडं आता सर्वांचे लक्ष लागून राहिलं आहे. ‘डॅडीं’ची मुलगी योगिता गवळी सहनिर्मितीची धुरा, तर निर्मिती पुन्हा एकदा संगीता अहिरच सांभाळत आहेत. ‘दगडी चाळ २’चे दिग्दर्शन चंद्रकांत कणसे यांनी केलंय.