वरुण धवनच्या पत्नीला पाहून निराश झाले चाहते, म्हणाले- मंगळसूत्र कुठेय आणि पांढऱ्या बांगड्या का?

मुंबई- वरुण धवनने नताशा दलालसोबत नव्या आयुष्याला सुरुवात केली आहे. सध्या सोशल मीडियावर नताशा आणि वरुणच्या लग्नाचे फोटो मोठ्या प्रमाणात व्हायरल होत आहेत. या नवविवाहित जोडप्यावर चाहत्यांनी प्रेमाचा वर्षाव केला. असं असलं तरी अनेकांना नताशाचा लग्नातला लुक फारसा आवडलेला दिस नाही. जोडप्याच्या लुकवर अनेकांनी सोशल मीडियावर कमेन्ट केली आहे.



वरुण धवनच्या अनेक चाहत्यांना नवविवाहित जोडप्याचा लुक आवडला आणि त्यांना याची प्रशंसाही केली. पण काहींनी नताशाच्या लुकवर प्रश्न उपस्थित केले. इतरांच्या तुलनेत नताशाचा लुक फार फिका असल्याचं त्यांनी सांगितलं. नताशाने लग्नाच्या दिवशी पांढऱ्या रंगाला पसंती दिली हे फारसं कोणाला आवडलं नाही. एवढंच नाही तर लग्नात पांढऱ्या बांगड्या घालणंही अनेकांना थोडं विचित्र वाटलं. चाहत्यांनी नताशाने मंगळसूत्र आणि सिंदूर का घातलं नाही असा प्रश्न यावेळी विचारला.



एका चाहत्याने लिहिले की, 'असं दिसतं आहे की दोघंही कोणाच्यातरी लग्नाला जात आहेत. त्यांचं स्वतःचं लग्न झालं असं तर अजिबातच वाटत नाहीए. अजून एक चाहता म्हणाला की, या लूकमध्ये नताशा नवऱ्यामुलीप्रमाणे दिसत नाही. कित्येक चाहत्यांना तिचे दागिने आणि कपडे आवडले नाहीत.



असेही काही चाहते होते ज्यांना नताशा वरुणपेक्षा मोठी असल्याचं वाटलं. तर काहींनी ती खरंच खूप सुंदर दिसत असल्याचं म्हटलं. तसंच नताशाला ट्रोल करणाऱ्यांनाही त्यांनी खडेबोल सुनावले. ट्रोल करणारे म्हणाले की, कोण त्यांच्या स्वत:च्या लग्नात पांढरे कपडे घालतं. किमान हिंदू पद्धतीने केलेल्या लग्नात तरी लग्नाच्या दिवशी कोणी पांढरे कपडे घालत नाहीत.