तुझ्याकडून ही अपेक्षा नव्हती;वरुण धवननं हॉलिवूड अभिनेत्रीसोबत असं काही केलं की, नेटकऱ्यांनी केलं ट्रोल

मुंबई: गेल्या काही महिन्यांपासून अंबानी कुटुंब एका खास सोहळ्यासाठी उत्सकु होते. हा सोहळा होता नीता मुकेश अंबानी सांस्कृतिक केंद्रांच्या उद्धाटनाचा. मुंबईतील हे सांस्कृतिक केंद्र आता प्रेक्षकांसाठी खुलं झालं आहे. वांद्रे-कुर्ला कॉम्प्लेक्ससारख्या मध्यवर्ती परिसरात या सांस्कृतिक केंद्रांची उभारणी केली आहे. या सांस्कृतिक केंद्राच्या उद्धाटन सोहळ्यासाठी विविध क्षेत्रातील दिग्गज मंडळी उपस्थित होते. तर दुसऱ्या दिवशी हॉलिवूड आणि बॉलिवूड स्टार्सच्या उपस्थितीत एक मोठा पार पडला. या सोहळ्यात किंग खान शाहरुख खान सह अनेकांनी परफॉर्मेंस सादर केले. पण वरुण धवनचा डान्स परफॉर्मेंस पाहून नेटकऱ्यांनी त्याच्यावर टीका केली आहे. त्याला प्रचंड ट्रोल करण्यात आलं आहे.

नीता मुकेश अंबानी सांस्कृतिक केंद्रांत पार पडलेल्या आंतरराष्ट्रीय दर्जाच्या एका कार्यक्रमात हॉलिवूडचे अनेक स्टार्स सहभागी झाले होते. गिगी हदीद, टॉम हॉलॅंड आणि झेंडाया या सारख्या हॉलिवूड स्टार्सनी या सोहळ्याला उपस्थिती दर्शवली होती. या खास सोहळ्यात बॉलिवूड स्टार्संनी बॉलिवूड गाण्यावर डान्स परफॉर्मेंस सादर केले.याच दरम्यानचा वरुण धवन आणि गिगी हदीद यांच्या डान्सचा हा व्हिडिओ सोशल मीडियावर प्रचंड व्हायरल होतोय. हा व्हिडिओ पाहून नेटकरी चिडले आहेत.
बाबो! अंबानींच्या सुनेच्या हातातली पर्स आहे तरी कितीची? इतक्या किंमतीत येईल एखादा 2 BHK फ्लॅट

काय आहे हा व्हिडिओ?
या व्हिडिओत वरुण धवन डान्स करत असताना गिगी हदीद हिला स्टेजवर बोलवतो आणि तिला उचलून घेतो. इतकंच नाही तर उचलून घेतल्यानंतर तो फेऱ्या मारतो आणि नंतर तिला खाली उतरवत असताना तिच्या गालावर किस करतो. वरुण धवनचं हे वागणं गिगी हदीद हिला काही आवडल्याचं दिसत नाही. ती अवघडल्यासारखी दिसून येत होती. त्यामुळं नेटकऱ्यांनी वरुणला चांगलंच झापलं आहे. हॉलिवूड स्टार्सला पाहून वरुण जास्तच उत्साही झाला होता वाटतं, असं नेटकऱ्यांनी म्हटलं आहे. तर वरुणकडून ही अपेक्षा नव्हती, असं अनेकांनी म्हटलंय.



काय म्हणाला वरुण?
व्हिडिओवरुण ट्रोल झाल्यानंतर वरुण धवन यानं ट्विट करत स्पष्टीकरण दिलं आहे. हे सर्व प्लॅन्ड होतं, असं त्यानं म्हटलं आहे.