विकी कौशलला आऊट करणं झालं कठीण, क्रिकेट खेळतानाचा अभिनेत्याचा Video Viral

मुंबई- बॉलिवूड अभिनेता विकी कौशल सध्या त्याच्या आगामी चित्रपटाच्या चित्रीकरणासाठी इंदूरला आहे. या चित्रपटाचे दिग्दर्शन लक्ष्मण उतेकर करत असून सारा अली खान चीही यात प्रमुख भूमिका आहे. चित्रपटाच्या चित्रीकरणा दरम्यानचे अनेक फोटो आणि व्हिडिओ व्हायरल झाले आहेत. आता एक नवीन व्हिडिओ समोर आला असून यात विकी खुल्या मैदानात क्रिकेट खेळताना दिसला आहे.

चाळीत लहानाची मोठी झाली महिमा, सलमानने केलं स्वप्न पूर्ण

या व्हायरल होतं असलेल्या व्हिडिओत मैदानात अनेक लोक उभे असलेले दिसता. विकी फलंदाजी करत असून चौकार आणि षटकार मारताना दिसत आहे. त्याला आऊट करणं कोणालाच शक्य नसल्याचं व्हिडिओकडे बघून समजते.

दरम्यान विकी आणि सारा ज्या चित्रपटाचं शूटिंग करत आहेत तो कार्तिक आर्यन आणि क्रिती सेनन प्रमुख भूमिका असलेला 'लुका छुप्पी'चा सीक्वल असल्याचे सांगितले जात आहे. व्हायरल झालेले फोटो आणि व्हिडिओमधील दोघांचे लुक पाहिल्यावर ते मध्यमवर्गीय भूमिकेत असल्याचं बोललं जात आहे. मीडिया रिपोर्टनुसार, चित्रपटाची कथा इंदूरमध्ये घर शोधण्यासाठी केलेल्या संघर्षावर आधारित आहे.


आगामी चित्रपट

यावर्षी विकी कौशल अनेक चित्रपटात काम करताना दिसेल. या यादीत 'गोविंदा मेरा नाम', 'साम बहादूर' आणि 'तख्त' या चित्रपटात प्रमुख भूमिका साकारताना दिसेल. दरम्यान विकी आणि कतरिनाने लग्नानंतरचा पहिला सणं लोहरी एकत्र साजरा केला होता विकीने सोशल इन्स्टाग्रामवर एक फोटो शेअर करत 'पहिली लोहरी', असं कॅप्शन दिलं.