'विवाह' सिनेमातली छुटकी आता झाली ग्लॅमरस, विश्वास नसेल तर पाहा Photos

मुंबई- शाहिद कपूर आणि अमृता राव यांचा 'विवाह' चित्रपट आठवतोय का? राजश्री प्रॉडक्शनचा हा चित्रपट एक कौटुंबिक ड्रामा होता, प्रेक्षकांना या सिनेमाची कथा खूपच आवडली होती. सिनेमात अनुपम खेर, आलोक नाथ असे नावाजलेले अनेक कलाकार होते, ज्यांनी आपल्या दमदार अभिनयाने सिनेमाच्या यशात भर घातली होती.

पण या चित्रपटात एक अशी व्यक्तिरेखा होती, जी सर्वांच्या मनात घर करून गेली. ते होतं छुटकी हे पात्र. सिनेमात अमृता रावच्या धाकट्या बहिणीचं नाव रजनी असतं मात्र तिला सारे छुटकी या नावानेच हाक मारत असतात. छुटकीची व्यक्तिरेखा साकारलेली अभिनेत्री आता कुठे आहे माहीत आहे का? ती कशी दिसते आणि ती काय करत ते आज जाणून घेऊ..


'विवाह' मध्ये छुटकीची भूमिका अभिनेत्री अमृता प्रकाश ने साकारली होती. तीच अमृता प्रकाश जिने तिची 'मिस इंडिया' ही व्यक्तिरेखा एका कार्टून शोद्वारे हिट केली होती. अमृता प्रकाशला विवाह सिनेमात सावळ्या रुपात दाखवण्यात आले होते. मात्र खऱ्या आयुष्यात ती खूप ग्लॅमरस आहे.

वयाच्या चौथ्या वर्षापासून करत आहे काम, ५० मोठ्या जाहिरातींमध्ये काम करत आहे
अमृता प्रकाशने वयाच्या अवघ्या ४ व्या वर्षी तिच्या करिअरला सुरुवात केली. तिने जाहिरातीपासून सुरुवात केली. बालकलाकार म्हणून अमृता प्रकाशने जवळपास ५० मोठ्या जाहिरातींमध्ये काम केले. जेव्हा ती नऊ वर्षांची होती, तेव्हा अमृताने टीव्हीच्या दुनियेत पाऊल ठेवले.


वयाच्या ९व्या वर्षी टीव्ही डेब्यू

अमृताने काही टीव्ही शोमध्ये अभिनयासोबतच सूत्रसंचालनही केले. तिने अभिनेत्री सोनाली बेंद्रेसोबत 'क्या मस्ती क्या धूम' हा शो दोन वर्ष होस्ट केला होता.

दाक्षिणात्य सिनेमांमध्ये केलं काम, 'विवाह' ने नशीब बदलले

अमृताने काही दाक्षिणात्य सिनेमांमध्येही काम केलं आहे. पण राजश्रीचा 'विवाह' सिनेमा मिळाल्याने तिच्या करिअरला मोठे वळण मिळाले. अमृताने एका मुलाखतीत सांगितलं होतं की, हा सिनेमा तिच्या करिअरमध्ये मैलाचा दगड ठरला. सिनेमात साकारलेल्या छुटकी या पात्राने तिची कारकीर्दच बदलून टाकली.


ती 'शक्ती' आणि 'पटियाला बेब्स'मध्ये दिसली होती

अमृता प्रकाश २०२० मध्ये 'पटियाला बेब्स' या टीव्ही शोमध्ये दिसली होती. मात्र यानंतर ती कोणत्याही प्रोजेक्टमध्ये दिसली नाही. असं असलं तरी सोशल मीडियावर सक्रिय असते. अमृता तिचे जबरदस्त फोटो आणि व्हिडिओ इन्स्टाग्रामवर शेअर करत असते. अमृता प्रकाशने रुबिना दिलैकसोबत 'शक्ती: अस्तित्व के एहसास की' या टीव्ही शोमध्येही काम केले होते. या शोमध्ये ती जसलीनच्या भूमिकेत खूप दिसली होती.