हिची अवस्था पण परवीन बाबी, सुशांतसारखी झाली असती; सेलिब्रिटींचा प्रियांकाला पाठिंबा

मुंबई: बॉलिवूडसोबत हॉलिवूड गाजवणारी अभिनेत्री प्रियांका चोप्रा बॉलिवूडबद्दल केलेल्या विधानांमुे चर्चेत आहे. प्रियांकाने बॉलिवूडमध्ये आपल्याला एकटे पाडल्याचा, आपल्यासोबत गटबाजी, राजकारण केल्याचा गौप्यस्फोट केला आहे. आपल्याला बॉलिवूडमध्ये काम मिळत नव्हते असेही ती म्हणाली. प्रियांकाने केलेल्या गौप्यस्फोटानंतर अनेक कलाकारांनी तिला पाठिंबा देत, याचं समर्थन केलं आहे.

कंगणाने प्रियांकाला समर्थन देत निर्माता दिग्दर्शक करण जोहरवर पुन्हा एकदा निशाणा साधला आहे. तर दिग्दर्शक विवेक अग्निहोत्री आणि निर्माता अपूर्व असरानी यांचीसुद्धा भर पडली आहे.
अशोक सराफांना पाहताच भारावला निखिल बने; म्हणाला- 'मामांना प्रत्यक्ष पाहणं...'
काय म्हणाली होती प्रियांका?
प्रियांका चोप्राने नुकत्याच दिलेल्या एका मुलाखतीत बॉलिवूड सोडून हॉलिवूडमध्ये जाण्याचे कारण सांगितले. प्रियांका म्हणाली होती की, बॉलिवूडमध्ये माझ्याविरोधात राजकारण सुरू झाले होते. हवे तसे काम मिळत नव्हते आणि बाजूला सारले जात होते. मी बॉलिवूडमधून दूर जाण्याचा मार्ग शोधत होते तेव्हाच मला हॉलिवूडमधून ऑफर आल्यावर मी लगेच निघून गेली. अमेरिकन गायक निक जोनाससोबत लग्न केल्यानंतर प्रियांका परदेशात स्थायिक झाली आहे.
कंगना राणौतचे समर्थन, करण जोहरवर गंभीर आरोप
प्रियांकाच्या या मुलाखतीनंतर कंगना रणौतने करण जोहरवर निशाणा साधला. करणनेच प्रियांकावर बंदी घातल्याचा आरोप कंगणाने केला. तसेच अभिनेत्रीचा इतका छळ केला की तिला देश आणि चित्रपटसृष्टी सोडावी लागली. आता विवेक अग्निहोत्रीनींही प्रियांका चोप्राच्या समर्थनार्थ वक्तव्य केले आहे.

विवेक अग्निहोत्री – गुंडगिरी करणाऱ्या टोळीला पराभूत करणे अशक्यच
विवेक अग्निहोत्री नेहमीच बॉलिवूड माफिया आणि कॅम्पच्या विरोधात बोलत असतात. त्यांनी आपल्या ट्विटर हँडलवर प्रियांकाच्या समर्थनार्थ लिहिले की, 'जेव्हा इंडस्ट्रीतील मोठे लोक गुंडगिरी करतात, दादागिरी करतात, तेव्हा त्यांच्यासमोर काही लोक गुडघे टेकतात, त्यांच्यासमोर शरणागती पत्करतात. काही हिंमत गमावून सर्व सोडून जातात. काहीजण ड्रग्ज घेण्यास सुरुवात करतात, तर काहींना जीवही गमवावा लागतो. या टोळीला पराभूत करणे किंवा लढणे अशक्य आहे. स्वत:साठी यशाचं वेगळं विश्व निर्माण करणारे फार कमी लोक आहेत. आणि तेच खरे स्टार्स आहेत.
मराठी अभिनेत्रीनं शेअर केला खास फोटो, तुम्ही ओळखलं का? सोशल मीडियावर आहे तिची प्रचंड क्रेझ
अपूर्व असरानी - प्रियांका जिंकली, नाहीतर सुशांतलाही असेच नशीब मिळाले असते
अपूर्व असरानी म्हणाले की प्रियांकाने बॉलिवूड सोडले हे चांगले केले त्यामुळे तिची अवस्था परवीन बाबी किंवा सुशांत सिंह राजपूतसारखी झाली नाही. ट्विटमध्ये त्यांनी म्हटले की, 'अखेर प्रियंका चोप्राने प्रत्येकाला माहीत असलेली गोष्ट उघड केली परंतु कोणीही त्याबद्दल एक शब्दही बोलले नाही. ज्यांनी तिला बहिष्कृत केले त्यांचे मी अभिनंदन करतो. प्रियांकाचे हॉलिवूडमध्ये जाणे हा मोठा विजय आहे. तिचे नशीब सुशांत सिंह राजपूत किंवा परवीन बाबीसारखे नव्हते.

प्रियांका चोप्रा प्रकरणाला कलाटणी मिळणार का?प्रियांका चोप्राचे हे प्रकरण सध्या चांगलेच चर्चेत आहे. या मुद्द्यावर इतर बॉलिवूड सेलिब्रिटी काय प्रतिक्रिया देतात हे पाहणे रंजक ठरणार आहे. कंगना राणौतच्या आरोपावर करण जोहर काय बोलणार याकडे सर्वांचे लक्ष लागले आहे. प्रियांका चोप्राने 2012 मध्ये 'इन माय सिटी' या गाण्याद्वारे आंतरराष्ट्रीय संगीत क्षेत्रात पदार्पण केले होते. त्यानंतर 2016 मध्ये 'गंगाजल' चित्रपटानंतर तिने बॉलिवूड सोडून हॉलिवूडचा रस्ता धरला आणि आता ती तिथे स्थिरावली आहे. ती लवकरच 'सिटाडेल' आणि 'लव्ह अगेन' या दोन प्रोजेक्टमध्ये दिसणार आहे.