पामेला चोप्रा यांनी सांगितली यश यांची कहाणी
यश-मुमताज (Yash Chopra Mumtaz Love Story) यांची प्रेम कहाणी आजही बॉलिवूडमध्ये प्रसिद्ध आहे. असे म्हणतात की दोघेही एकमेकांवर खूप प्रेम करत होते आणि लग्नही करणार होते. पण अभिनेत्रीच्या घरच्यांनी यश यांचे स्थळ नाकारले. यश चोप्रांची पत्नी पामेला सिंग यांनी रेडिफला दिलेल्या एका मुलाखतीत ही सर्व गुपिते उघड केली होती. त्यांनी त्यांची भेट कशी झाली होती हेही या मुलाखतीत सांगितले.
पामेला आण यश यांची पहिली भेट कधी झाली?
पामेला यांनी यावेळी सांगितले की यश आणि त्यांची पहिली भेट दिल्लीतील स्टार क्रिकेट शोमध्ये झाली होती. ते काही अंतरावर बसला होते. त्यांनी पामेला यांच्या कझिनकडे वळून पाहिले होते, पण यश पामेला यांना ना भेटले ना त्यांच्याशी बातचीत केली. यश यांच्या भाचीच्या लग्नाच्या संगीत प्रोग्राममध्ये ते खऱ्या अर्थाने भेटले. तिथे यश यांनी पामेलांच्या गाण्याचे कौतुकही केले. यानंतर कुटुंबातील एका कॉमन मैत्रिणीच्या आईच्या माध्यमातून लग्नाची चर्चा रंगली. पामेला यांनी असेही सांगितले की, त्यांचे कुटुंब फार शिस्तीचे होते. यश यांची पत्नी झाल्यानंतर त्यांना फिल्मी जगाची ओळख झाली, या जगात कलाकार मंडळी सकाळीही घरी यायचे ते रात्रीपर्यंत घरी थांबायचे. गाणी-चित्रपट याविषयी चर्चा रंगायची. त्याही कालांतराने या साऱ्याचा भाग बनल्या होत्या.
म्हणून करायचे स्वित्झर्लंडमध्ये करायचे शूटिंग
पामेला (Yash Chopra Wife) यांनी सांगितले की यश चोप्रांनी जरी अनेक रोमँटिक चित्रपट बनवले असले तरी ते वास्तविक जीवनात खूप प्रॅक्टिकल होते. यश स्वित्झर्लंडमध्येच बहुतेक चित्रपटांचे शूटिंग का करत असे, हेही त्यांनी सांगितले. त्या म्हणाल्या की तिथे शूट करणे आणि अनेक गोष्टी सहजरित्या मिळणे अत्यंत सोपे होते. केवळ याच कारणामुळे ते त्याठिकाणी शूटिंग करायचे.
मुमताजवर होतं जिवापाड प्रेम
मुमताज आणि यश यांनी १९६९ मध्ये आलेल्या 'आदमी और इंसान' (Admi Aur Insaan) चित्रपटात एकत्र काम केले होते. यश एकेकाळी मुमताजच्या प्रेमात वेडे झाले होते, असे म्हटले जाते. दोघांच्या लग्नाची बाब घरापर्यंत पोहोचली होती. यश यांचे भाऊ बीआर चोप्राही मुमताज यांचा हात मागण्यासाठी त्यांच्या घरीही गेले होते. पण अभिनेत्रीच्या कुटुंबीयांनी नकार दिला. मुमताजने आता करिअरवर लक्ष केंद्रित करावे अशी त्यांची इच्छा होती.
१९७० साली केलं पामेला यांच्याशी लग्न
यानंतर यश यांनी १९७० मध्ये पामेला यांच्यासोबत लग्न केले. यश यांचे लग्न झाल्याच्या एका वर्षानंतर मुमताज यांनीही लग्न केले आणि सिनेविश्वातून ब्रेक घेतला. यश चोप्रा यांना १३ ऑक्टोबर २०१२ रोजी डेंग्यू झाला होता, त्यानंतर त्यांना रुग्णालयात दाखल करण्यात आले. २१ ऑक्टोबर रोजी त्यांचे निधन झाले, त्यांचे विविध अवयव निकामी झाल्याने त्यांनी जगाचा निरोप घेतला. ते ८० वर्षांचे होते.
कधी हेवा वाटायचा का?
यश यांनी बॉलिवूडमधील अनेक आघाडीच्या अभिनेत्रींसोबत काम केले आहे. अशावेळी पामेला यांना असुया किंवा हेवा वाटायचा कआ असे विचारता त्यांनी हसत उत्तर दिले की अर्थात त्यावेळी असुया वाटायती. त्या म्हणतात की त्यांनी त्या सर्व सुंदर स्त्रियांबाबत असुया वाटायची पण नंतर सवय झाली. कारण यश यांच्यासाठी त्याचे कुटुंब खूप महत्त्वाचे होते. त्यावेळी झालेल्या एका गॉसिपबाबतही त्यांनी भाष्य केले. त्यांच्या लग्नापूर्वीची ही चर्चा. असे बोलले जायचे की यश एका नायिकेसोबत खूप गंभीर आहेत, दोघे लग्नही करणार होते. त्यांनी यश यांचा मित्र रोमेश यांना याबाबत विचारले होते की, 'यश आणि मुमताजमध्ये काय चालले आहे?' तेव्हा त्यांनी ते दोघे चांगले मित्र असल्याचे म्हटले होते. या उत्तराने पामेला यांचे समाधान झाले नव्हते. त्यांनी म्हटले की हे खरं नाही आहे.