जेवतानाही हिजाब काढला नाही, फोटोवर 'दंगल गर्ल' Zaira Wasim बोललीच- 'तुमच्यासाठी करतच नाही'

मुंबई- सिनेसृष्टीला अलविदा करणारी 'दंगल' गर्ल झायरा वसीम हिजाब समर्थनात पुन्हा एकदा बोलली. सध्या झायरा त्या पोस्टमुळे चर्चेत आहे ज्यामध्ये तिने जेवतानाही नकाब घालण्याच्या तिच्या निवडीबद्दल एक तीक्ष्ण प्रतिक्रिया दिली आहे. गेल्या वर्षी कर्नाटकातील शाळा आणि महाविद्यालयांमध्ये हिजाबवरून झालेल्या वादावेळीही तिने पुढे येऊन आपले मत मांडले होते. सिनेसृष्टी सोडलेल्या झायराची नवीन पोस्ट याविषयी आहे, ज्यामध्ये तिने हिजाब घालून जेवण्याच्या तिच्या निवडीबद्दल सांगितलं.

मलायकाने शेअर केला अर्जुन कपूरचा अर्धनग्न फोटो, शरीर झाकण्यासाठी फक्त वापरली एक उशी
कोणीतरी ट्विटरवर एक फोटो शेअर केला आहे, ज्यामध्ये एक मुस्लिम मुलगी नकाबमध्ये आहे आणि ती जेवतानाही चेहऱ्यावरून तो बाजूला करत नाही. हा फोटो शेअर करणाऱ्या व्यक्तीने विचारले की ही माणसाची निवड असू शकते का? या प्रश्नाचे उत्तर देताना अभिनेत्रीने फोटो रिट्वीट करत लिहिले की, 'मी नुकतेच एका लग्नाला गेले होते. मी पण असेच जवले. ही पूर्णपणे माझी स्वतःची निवड होती. माझ्या आजूबाजूचे सर्वजण मी कधी नकाब काढते याची वाट पाहत होते, पण मी तसे केले नाही. आम्ही हे तुमच्यासाठी करत नाही, त्यामुळे याला सामोरे जायला शिका.'


लोकांनी झायराला दिला पाठिंबा

झायराच्या अनेक फॉलोअर्सनी तिच्या या पोस्टवर कमेंट केल्या आहेत. एकाने लिहिलं की, 'एकदम बरोबर, तुझं उत्तर खूप आवडले.' आणखी एकाने लिहिले की, 'तू सर्वोत्कृष्ट आहेस, अल्लाह तुझ्यासारख्या इतर बहिणींनाही मार्गदर्शन करो.'

Video- उर्वशी रौतेलाची फेवरेट टीम कोणती? ऋषभ पंतचं नाव घेता अभिनेत्रीने दिली वेगळीच रिअॅक्शन
झायरा कर्नाटकातील शाळांमध्ये हिजाब बंदीवर बोलली

यापूर्वी हिजाबच्या मुद्द्यावरून झायरा वसीमने कर्नाटकातील शाळांमध्ये हिजाबवर बंदी घालण्यात आल्यावर टीका केली होती. तिने आपल्या पोस्टमध्ये लिहिले की, 'वारसा मिळालेला हिजाब ही निवड आहे, त्यामुळे ही माहिती चुकीची आहे. हा एक प्रकारचा समज आहे जो सोयीनुसार बनवला गेला आहे.


'इस्लाममध्ये हिजाब हा पर्याय नसून जबाबदारी आहे'

तिने आपल्या पोस्टमध्ये लिहिले की, 'इस्लाममध्ये हिजाब हा पर्याय नसून जबाबदारी आहे. हिजाब परिधान करणारी स्त्री तिच्या प्रिय व्यक्तीने तिला दिलेली जबाबदारी पार पाडत आहे. मीदेखील ते कृतज्ञता आणि आदराने परिधान करते. धर्माच्या नावाखाली महिलांना असे करण्यापासून रोखले जात असलेल्या या व्यवस्थेला माझा विरोध आहे. मुस्लीम महिलांनी शिक्षण आणि हिजाब यापैकी एक निवडावं किंवा सोडून द्यावं हा पूर्णपणे अन्याय आहे.