मुंबई :
'टॉयलेट: एक प्रेमकथा'च्या घवघवीत यशानंतर महिलांसंदर्भात आणखी एक ज्वलंत सामाजिक विषय मांडणारा 'पॅडमॅन' हा अक्षय कुमारचा सिनेमाही प्रेक्षकांच्या पसंतीस उतरत आहे. 'पॅडमॅन'ने पहिल्याच दिवशी १० कोटी रुपयांची घसघशीत कमाई केली आहे. हा सिनेमा शुक्रवारी प्रदर्शित झाला आहे.
boxofficeindia.com या संकेतस्थळाने दिलेल्या माहितीनुसार, पॅडमॅनने देशात पहिल्या दिवशी बॉक्स ऑफिसवर १० कोटी रुपये कमावले आहेत. अक्षय कुमारची पत्नी अभिनेत्री टि्वंकल खन्ना हिच्या 'द लिजंड ऑफ लक्ष्मी प्रसाद' या पुस्तकातील 'द सॅनिटरी मॅन ऑफ सॅक्रेड लँड' या लघुकथेवर हा सिनेमा बेतलेला आहे. महिलांसाठी परवडणारे सॅनिटरी पॅड बनवणाऱ्या अरुणाचलम् मुरुंगनंथम या सामाजिक कार्यकर्त्याचा जीवनपट या सिनेमात मांडला आहे.
'पद्मावत' सिनेमा ज्या दिवशी प्रदर्शित झाला, त्याच दिवशी २५ जानेवारीला 'पॅडमॅन' प्रदर्शित होणार होता. पण पद्मावतचा दिग्दर्शक संजय लीला भन्साळी याच्या विनंतीवरून अक्षयने 'पॅडमॅन'चे प्रदर्शन ९ फेब्रुवारीपर्यंत पुढे ढकलले होते.
'टॉयलेट: एक प्रेमकथा'च्या घवघवीत यशानंतर महिलांसंदर्भात आणखी एक ज्वलंत सामाजिक विषय मांडणारा 'पॅडमॅन' हा अक्षय कुमारचा सिनेमाही प्रेक्षकांच्या पसंतीस उतरत आहे. 'पॅडमॅन'ने पहिल्याच दिवशी १० कोटी रुपयांची घसघशीत कमाई केली आहे. हा सिनेमा शुक्रवारी प्रदर्शित झाला आहे.
boxofficeindia.com या संकेतस्थळाने दिलेल्या माहितीनुसार, पॅडमॅनने देशात पहिल्या दिवशी बॉक्स ऑफिसवर १० कोटी रुपये कमावले आहेत. अक्षय कुमारची पत्नी अभिनेत्री टि्वंकल खन्ना हिच्या 'द लिजंड ऑफ लक्ष्मी प्रसाद' या पुस्तकातील 'द सॅनिटरी मॅन ऑफ सॅक्रेड लँड' या लघुकथेवर हा सिनेमा बेतलेला आहे. महिलांसाठी परवडणारे सॅनिटरी पॅड बनवणाऱ्या अरुणाचलम् मुरुंगनंथम या सामाजिक कार्यकर्त्याचा जीवनपट या सिनेमात मांडला आहे.
'पद्मावत' सिनेमा ज्या दिवशी प्रदर्शित झाला, त्याच दिवशी २५ जानेवारीला 'पॅडमॅन' प्रदर्शित होणार होता. पण पद्मावतचा दिग्दर्शक संजय लीला भन्साळी याच्या विनंतीवरून अक्षयने 'पॅडमॅन'चे प्रदर्शन ९ फेब्रुवारीपर्यंत पुढे ढकलले होते.