पाटणा: माजी पंतप्रधान मनमोहन सिंग यांच्या राजकीय जीवनावर आधारित 'द अॅक्सिडेंटल प्राइम मिनिस्टर' चित्रपटात प्रमुख भूमिका साकारणारे अभिनेते अनुपम खेर व त्यांच्या सहकलाकारांविरोधात बिहार न्यायालयात तक्रार दाखल करण्यात आली आहे. या चित्रपटाच्या माध्यमातून देशातील नामवंत व्यक्तींची प्रतिमा मलिन केली जात असल्याचा आरोप करण्यात आला आहे.
सुधीर कुमार ओझा नामक वकिलानं मुझफ्फरपूरच्या दंडाधिकारी न्यायालयात ही तक्रार दाखल केली आहे. 'द अॅक्सिडेंटल प्राइम मिनिस्टर'मध्ये अनुपम खेर हे मनमोहन सिंग यांची तर, अक्षय कुमार हा मनमोहन यांचे तत्कालीन माध्यम सल्लागार संजय बारू यांची भूमिका साकारत आहे. काँग्रेस नेत्या सोनिया गांधी, काँग्रेस अध्यक्ष राहुल गांधी व सोनियांचे जावई रॉबर्ट वाड्रा यांच्याही व्यक्तिरेखा यात आहेत. या सर्वांची प्रतिमा चुकीच्या पद्धतीनं रंगवण्यात आली आहे. चित्रपटाचा ट्रेलर पाहून अनेकांच्या भावना दुखावल्या आहेत, असं तक्रारीत नमूद करण्यात आलं आहे.
न्यायालयानं ओझा यांची तक्रार दाखल करून घेतली असून या प्रकरणी ८ जानेवारी रोजी सुनावणी करण्यात येणार आहे.
सुधीर कुमार ओझा नामक वकिलानं मुझफ्फरपूरच्या दंडाधिकारी न्यायालयात ही तक्रार दाखल केली आहे. 'द अॅक्सिडेंटल प्राइम मिनिस्टर'मध्ये अनुपम खेर हे मनमोहन सिंग यांची तर, अक्षय कुमार हा मनमोहन यांचे तत्कालीन माध्यम सल्लागार संजय बारू यांची भूमिका साकारत आहे. काँग्रेस नेत्या सोनिया गांधी, काँग्रेस अध्यक्ष राहुल गांधी व सोनियांचे जावई रॉबर्ट वाड्रा यांच्याही व्यक्तिरेखा यात आहेत. या सर्वांची प्रतिमा चुकीच्या पद्धतीनं रंगवण्यात आली आहे. चित्रपटाचा ट्रेलर पाहून अनेकांच्या भावना दुखावल्या आहेत, असं तक्रारीत नमूद करण्यात आलं आहे.
न्यायालयानं ओझा यांची तक्रार दाखल करून घेतली असून या प्रकरणी ८ जानेवारी रोजी सुनावणी करण्यात येणार आहे.