कॉमेडियन भारती सिंह हॉस्पिटलमध्ये

मटा ऑनलाइन वृत्त । मुंबई

विविध रिअॅलिटी शो मधून भारतीय प्रेक्षकांची मने जिंकणारी महिला हास्य कलाकार भारती सिंह सध्या मुंबईतील संजिवनी हॉस्पिटलमध्ये उपचार घेत आहे. छातीत दुखत असल्याने भारतीला ३० मे रोजी हॉस्पिटलमध्ये दाखल करण्यात आले.

भारतीच्या प्रकृतीत सुधारणा होत असून तिला आता कोणताही त्रास होत नसल्याने काळजीचे कारण नसल्याचे तिच्या कुटुंबीयांकडून सांगण्यात आले. तिच्यावर औषधोपचार सुरू असून हॉस्पिटलमधून लवकरच डिसचार्ज देण्यात येईल, अशी माहिती देखील तिच्या निकटवर्तीयांनी दिली.

भारतीच्या एका मित्राने हॉस्पिटलमध्ये तिच्यासोबत काढलेला एक फोटो इन्स्टाग्रामवर शेअर करत तिला लवकर बरे वाटावे म्हणून शुभेच्छा दिल्या आहेत.



‘द ग्रेट इंडियन लाफ्टर चॅलेंज’मध्ये लाली नावाची भूमिका भारती करत होती. सध्या ती ‘कॉमेडी नाइट लाइव्ह’मध्ये चिंटू शर्माची भूमिका करत आहे. तसेच या आधी तिने ‘इंडियाज गॉट टॅलेंट’मध्ये निवेदकाचे काम देखील केले होते.