आलिया भट्ट आणि हर्शल गिब्स यांच्यात रंगलं GIF वॉर

मुंबई: सोशल मीडियावर अॅक्टिव्ह असणाऱ्या नेटकऱ्यांना ट्विटर वॉर काही नवीन नाही. अशाच एका मजेशीर ट्विटर वॉरची चर्चा सध्या सुरू आहे. अभिनेत्री आलिया भट्ट आणि आफ्रिकेचा माजी क्रिकेटपटू हर्शल गिब्स यांच्यात हे मजेशीर ट्वीट वॉर रंगलं आहे.

हर्शल गिब्सनं त्याचं ट्विटर अकाऊंट अधिकृत झाल्याचा आनंद करत असताना जीफ (GIF)शेअर केला होता. विशेष म्हणजे हे जीफ आलियाचं होतं. एका युजरनं या जीफवर ही मुलगी कोण आहे? असा प्रश्न विचारला. यावर गिब्सनं 'तुम्ही अभिनेत्री आहात हे माहित नव्हतं.. पण जीफ छान आहे', असा रिप्लाय केला. यामुळं आलिया आणि गिब्स दोघेही ट्रोल झाले.



आलियानं देखील गिब्सच्या ट्विटला उत्तर देताना आणखी एक जीफ शेअर केला. चौकारा दर्शवतानाचा हा जीफ असून गिब्सनं याला पुन्हा मजेशीर उत्तर दिलं. 'मी चौकारांनी नाही तर षटकांनी खेळतो', असं ट्वीट गिब्सनं केलं आहे.