'प्रेग्नसी'वरुन दीपिका-करिनामध्ये जुंपली?

मटा ऑनलाइन वृत्त । मुंबई

अभिनेता रणवीर सिंहसोबत लग्नाच्या बेडीत अडकणार असल्याच्या चर्चावरुन अभिनेत्री दीपिका पदूकोन सध्या चांगलीच चर्चेत आहे. 'मी प्रेग्नंट नसून केवळ लग्न करतंय?, असं एका मुलाखतीत सांगणाऱ्या दीपिकाच्या विधानावर करिना कपूरने नाराजी दर्शवली आहे.

सूत्रांनी दिलेल्या माहितीनुसार, दीपिकाने जाणूनबुजून प्रेग्नसीबद्दल विधान केलं असं करिनाला वाटत आहे. दीपिकाला जर प्रेग्नसीबद्दल विचारले नव्हतचे तर तिने प्रेग्नसीबद्दल बोलायची काय गरज होती?, असं करिनाचं म्हणनं आहे. लग्नाचं सोडून दीपिका प्रेग्नसीबद्दल बोलल्यानं तो आपल्यालाच टोमना होता, असा समज करिनाचा झाला आहे. काही दिवसापूर्वीच करिनाने प्रेग्नसीबद्दल मौन सोडत मी प्रेग्नंट आहे, अजून मेली नाही, असं म्हटलं होतं. आई होणे ही सर्वच स्त्रीसाठी नॉर्मल गोष्ट आहे, असंही करिना म्हणाली होती.

दरम्यान, करिना कपूर सध्या प्रेग्नंट असूनही तिच्या आगामी 'वीरे दी वेडिंग' या चित्रपटाचे शूटिंग करण्यात व्यस्त आहे. तसेच ती अन्य काही जाहिरातीचेही शूटिंग करत आहे.