९४ व्या वर्षी दिलीप कुमार Facebook वर

मटा ऑनलाइन वृत्त । मुंबई

चित्रपटसृष्टीतील ट्रॅजेडी किंग अर्थात ज्येष्ठ अभिनेते दिलीप कुमार यांच्या चाहत्यांसाठी खुशखबर... ट्विटरवर अॅक्टिव्ह असलेले दिलीप कुमार आता 'फेसबुक' वरही आले असून नुकताच त्यांनी एक व्हिडीओही पोस्ट केला आहे.

'ऑफिशिअल: दिलीप कुमार' असे त्यांच्या फेसबुक पेजचे नाव आहे. ट्विटर अकाउंटवर दिलीप कुमार यांनी ही घोषणा केली असून ट्विटरप्रमाणेच फेसबुकवरही चाहत्यांशी संवाद साधणार असल्याचे त्यांनी नमूद केले आहे. फेसबुकवरील या व्हिडीओत सायरा बानू दिलीप कुमार यांच्याशी संवाद साधताना दिसत आहेत.

दरम्यान दिलीप कुमार यांची तब्येत बरी नसल्याच्या अफवा गेले अनेक दिवस पसरविल्या जात होत्या. मात्र त्यांची प्रकृती ठीक असून ते घरीच असल्याचे ट्विटर अकाउंटवरून स्पष्ट करण्यात आले होते.